Suage北海道湯咖哩

營業中

休息中

原來太古城都有 Suage，喺北海道過江龍嘅湯咖喱，之前喺旺角已經食過，今日再試吓佢其他款式～生炸雞髀咖喱烏冬雞髀超大個，炸到超脆，仲索左d咖哩汁既味，超香，而烏冬亦都非常煙靭，好有口感。另外，仲可以自選辣度，我哋揀咗中辣，因為佢屬於甜咖喱，所以吾會好辣。我地仲另外加左芝士，芝士係片裝，上餐前佢會炙燒一下，讓芝士滆入湯底，同湯底好夾。雜錦海鮮湯咖喱拉麵裏面有超多配料，例如：青口、蝦、八爪魚、南瓜、薯仔、紅蘿蔔紅、粟米同西蘭花，而拉麵都好掛汁，啖啖都係咖喱味。本身餐仲包埋桂花茶飲，都幾清甜。另外見到佢啲小食都好豐富，我哋加咗炸蠔、蔬菜蝦餅、海苔魷魚、手指魚條，芝士雞肉丸，全部都熱辣辣，超級香脆，最推薦係海苔魷魚+12蚊，好低加，有好多條，而且好有咬口同好有鮮味。