Suage北海道湯咖哩

營業中

休息中

呢間日本過江龍喺太古Food Court開咗分店，主打湯咖喱，有辣有唔辣，亦有椰子湯。全部可按個人喜好選擇配料同主食，想食幾多就叫幾多，大人小朋友都啱食。地理位置方便，價格親民，午餐晚餐又有多個選擇啦。湯咖喱味道濃郁，好惹味，但食完又唔會覺得口乾，相比之下椰子湯更濃稠，個人更喜歡後者。煮食方面有烏冬、拉麵同白飯，麵條吸滿醬汁，烏冬QQ哋，拉麵就邪惡啲，白飯都唔錯，飲埋碗湯都仲得，唔夠嘅可以加湯。無論你叫咩餐都會跟幾款蔬菜，大力推介茄子同薯仔，超級新鮮，完全唔Hea，粟米、西蘭花都唔錯。而肉類方面有芝士漢堡扒，軟身帶香氣、唐揚雞大塊且外脆內嫩、吉列魚手指炸粉唔厚、下次試埋腸仔先得。整體性價比高，會回訪。