Suage北海道湯咖哩

營業中

休息中

咖喱食得多，湯家裡你又食過未？呢間位於朗豪坊嘅日本過江龍小店主打北海道湯咖哩，客人可因應喜好選擇辣度、主食、配料、亦可加配小食同飲品，地點方便，經過可以一試。湯底採用自家農場種植嘅蔬菜熬煮 12 小時而成，番茄、洋蔥、秘製咖喱香料等，飲落香濃，鹹甜味道。肉類有豬牛雞同蔬菜，肉大塊且軟腍、蔬菜有齊薯仔、青椒、蓮藕片、西蘭花、茄子、南瓜、牛油果同舞茸，健康又好味。呢度可以選擇要配拉麵、烏冬或飯。拉麵掛汁，烏冬Q彈滑溜，兩款都各有千秋，但相對嚟講個人更喜歡配飯，先將檸檬汁擠喺上面，淋上湯品嚐，再倒入湯咖喱，唔覺唔覺就清曬。小食款式眾多，炸雞大件，外脆內嫩、魷魚酥咬落彈牙，份量比想像中多、餃子有五粒，外層酥脆，內裡擺滿，唔油膩，值得加點。