校長燒肉日韓料理 (觀塘廣場)

營業中

休息中

今日嚟到觀塘有聚會，朋友介紹去呢間日韓燒肉店，佢話呢度食物選擇多多包羅萬有，真係影極都影唔晒，餐廳佔地面積幾大，座位都多卡位都幾闊落，坐得舒服。店員一嚟到已經上咗幾碟幾吸引嘅手切牛。呢度晚巿都係三百幾蚊任飲任食，最吸引係仲有生啤3小時，適合一大班人聚會，一邊燒肉一邊飲返幾杯！最驚喜嘅係中間仲有個細嘅電磁爐可以打邊爐，可以淥返個烏冬或者整個韓式泡麵。仲有熱食，甜品雪糕，小食同埋點心。貼心小提示：燒肉嘅爐係有一張牛油紙，方便燒肉之後吸收油份同唔使黐底，可以搵店員換過一張新嘅乾淨又衛生。