影片
更多
2024-03-17
52 瀏覽
吸引到我去食完全係因為佢喺舖頭出面嗰一個冰櫃，見到工作人員喺度整一個個好似金字塔咁樣嘅綿綿冰好吸引呀！兩個人叫咗:A4和牛雜錦船湯河粉($138): 可以自己選擇唔同嘅麵嘅，當然我哋揀咗最正常嘅河粉。上菜嘅時候已經見到份量好多，我哋兩個女仔都唔係好食得晒，其中材料有A4和牛，豆卜，牛丸，扎肉，洋蔥，芽菜，雞蛋等等。河粉夠滑，而且湯底唔會好濃，都算幾清甜嘅。紅咖喱安格斯牛坑腩煲($128): 除咗牛坑腩之外，亦都有牛筋，茄子，菇，紅蘿蔔等等。牛腩份量都幾多，而且配料都絕對唔馬虎，每樣都好大嚿，而且紅咖喱亦都偏甜，相信小朋友都會啱食。如果配埋蒜蓉包就好啦，不過我哋兩個太飽啦，所以冇叫到。沙嗲雞肉串燒(三串起)($45): 雞肉真係啖啖肉嘅，如果沙嗲醬可以多少少花生味就仲好。手打月亮炸蝦餅(6pcs)($88):呢樣係每逢泰國嘢係必要嘅，除咗食蝦餅之外，仲會有幾快下片浪底，蝦片炸得夠脆，而且蝦餅亦都好有份量，爽口彈牙！雖然我哋兩個女仔已經好飽，但係甜品係第二個胃呀嘛，所以我哋都叫咗泰國奶茶雪山刨冰船($98)。 一上枱已經覺得好震撼，成個雪山有成隻手掌咁高，而且真係擺盤擺得好靚，餐廳亦都好細
兩個人叫咗:
A4和牛雜錦船湯河粉($138): 可以自己選擇唔同嘅麵嘅，當然我哋揀咗最正常嘅河粉。上菜嘅時候已經見到份量好多，我哋兩個女仔都唔係好食得晒，其中材料有A4和牛，豆卜，牛丸，扎肉，洋蔥，芽菜，雞蛋等等。河粉夠滑，而且湯底唔會好濃，都算幾清甜嘅。
紅咖喱安格斯牛坑腩煲($128): 除咗牛坑腩之外，亦都有牛筋，茄子，菇，紅蘿蔔等等。牛腩份量都幾多，而且配料都絕對唔馬虎，每樣都好大嚿，而且紅咖喱亦都偏甜，相信小朋友都會啱食。如果配埋蒜蓉包就好啦，不過我哋兩個太飽啦，所以冇叫到。
沙嗲雞肉串燒(三串起)($45): 雞肉真係啖啖肉嘅，如果沙嗲醬可以多少少花生味就仲好。
手打月亮炸蝦餅(6pcs)($88):呢樣係每逢泰國嘢係必要嘅，除咗食蝦餅之外，仲會有幾快下片浪底，蝦片炸得夠脆，而且蝦餅亦都好有份量，爽口彈牙！
雖然我哋兩個女仔已經好飽，但係甜品係第二個胃呀嘛，所以我哋都叫咗泰國奶茶雪山刨冰船($98)。 一上枱已經覺得好震撼，成個雪山有成隻手掌咁高，而且真係擺盤擺得好靚，餐廳亦都好細心咁樣將煉奶分開上。綿綿冰最上面有忌廉，而且加咗少少黑蜜，食落甜甜地，越食越落嘅時候茶味都會變得更加濃郁，配料有珍珠，小芋圓，西米，麵包乾，而且最底亦都有滿滿嘅仙草。自己覺得食到最中間仙草上邊嗰一堆綿綿冰嘅時候會變得有啲苦澀，所以加上煉奶食就最啱不過啦。
總結：食泰國嘢再加上有綿綿冰亦都有手搖飲品嘅舖頭應該真係買少見少，而且裝修光猛，令人坐得好舒服，加上食物質素有返咁上下但係價錢又唔算貴，好適合一家大細。
張貼
