影片
更多
2023-08-30
61 瀏覽
今日經過K11 發現對面有間泰國菜館好多人等位，於是上前睇吓餐牌，見到唔錯就攞位試試。我一行二人，見餐牌價錢好抵，所以叫多幾款菜式試試。Menu入面真係好多正嘢，好多選擇，樣樣都想試。我哋揀咗馬拉盞炒通菜、鹽燒烏頭、馬拉肉骨茶、泰式烤豬手、泰式炒牛河、菠蘿沙冰和凍龍眼茶。馬拉盞炒通菜好有鑊氣，迷道小小辣，非常濃的馬拉戔味，仲有大量蝦乾仔，認真落足料，又唔會太油，通菜好嫩好新鮮，呢味菜式我俾100分。鹽燒烏頭原條的，好大條，長度等於我2隻手掌咁長，打開個皮，入面嘅魚肉好嫩滑，淡淡鹽焗嘅香味，吊起烏頭嘅鮮味。烏頭魚好新鮮。想食得更泰式風味，可以點個泰式酸汁，又係另一個特色，刺激味蕾。馬拉肉骨茶一上枱已經聞到好濃嘅藥材味，好足料，大大塊淮山、幾條排骨，排骨嫩滑多肉，湯底好正宗，同我喺馬來西亞食過嘅好相似。泰式烤豬手，本來以為好似德國豬手咁煙過的，原來唔係，豬手係原味的，呢味菜即叫即做，需時約一個鐘，真係慢工出細貨，焗到外脆內軟，肉質鮮嫩，好似煲完湯嘅豬𦟌有小小根，好滑好好味。豬手調味較淡，配左個泰式醬汁，想食濃味的可以自己點汁。泰式炒牛河，呢個炒得好有鑊氣，而且唔係好油膩，唔錯。菠蘿沙冰小小
我一行二人，見餐牌價錢好抵，所以叫多幾款菜式試試。Menu入面真係好多正嘢，好多選擇，樣樣都想試。我哋揀咗馬拉盞炒通菜、鹽燒烏頭、馬拉肉骨茶、泰式烤豬手、泰式炒牛河、菠蘿沙冰和凍龍眼茶。
馬拉盞炒通菜好有鑊氣，迷道小小辣，非常濃的馬拉戔味，仲有大量蝦乾仔，認真落足料，又唔會太油，通菜好嫩好新鮮，呢味菜式我俾100分。
鹽燒烏頭原條的，好大條，長度等於我2隻手掌咁長，打開個皮，入面嘅魚肉好嫩滑，淡淡鹽焗嘅香味，吊起烏頭嘅鮮味。烏頭魚好新鮮。想食得更泰式風味，可以點個泰式酸汁，又係另一個特色，刺激味蕾。
馬拉肉骨茶一上枱已經聞到好濃嘅藥材味，好足料，大大塊淮山、幾條排骨，排骨嫩滑多肉，湯底好正宗，同我喺馬來西亞食過嘅好相似。
泰式烤豬手，本來以為好似德國豬手咁煙過的，原來唔係，豬手係原味的，呢味菜即叫即做，需時約一個鐘，真係慢工出細貨，焗到外脆內軟，肉質鮮嫩，好似煲完湯嘅豬𦟌有小小根，好滑好好味。豬手調味較淡，配左個泰式醬汁，想食濃味的可以自己點汁。
泰式炒牛河，呢個炒得好有鑊氣，而且唔係好油膩，唔錯。
菠蘿沙冰小小酸、小小甜，好開胃；凍龍眼茶就有清新嘅龍眼肉，好好味。
餐廳坐位舒適，裝修華麗，食物好味而且唔算貴，勝價比高，會再來幫襯。
2 瀏覽
0 讚好
0 留言
張貼
