華香雞 (已結業)

#搞串個pantry講到 #中菜 🥢餐廳，梗係唔少得要去試下老字號啦🥮。今次我哋嚟到位於 #灣仔 嘅一間老字號粵菜館，餐廳主打食 #雞 🐔，一於去試下佢嘅雞同埋 #滷水 先。我哋嗌咗🔴一人豪華套餐轉黃薑飯($91)，同埋🔵特色四寶套餐($75)。🐔招牌華香雞雞肉好嫩滑，仲要好多肉汁🌊，食落冇雞腥味，而且薑蓉🫚份量好多，撈埋一齊食好好味😋！🫖烏龍茶香雞餐廳標榜呢款係用烏龍茶煙燻♨️而成，食落有好濃郁嘅炙燒煙熏味🔥，但係雞肉🐔仍然保持住好嫩滑、好多汁，幾正🤤！🫀鮮雞腎份量好多，而且切成一啖嘅大細👄，咬落口好爽脆，口感好好😆。👂🏻滷豬耳食落有淡淡嘅炙燒煙熏香味🔥，滷水夠入味，豬耳軟骨爽脆好食😛。🐷滷腩片連腩肉嘅肉質都夠嫩滑，口感整得好好😋！點埋蒜味醬油，蒜蓉🧄嘅味道好出，夾埋腩肉嘅油香味🤤，夠惹味。另外，餐廳連薑黃飯🫚都有好濃郁嘅薑黃味，同坊間其他餐廳剩係得薑黃嘅顏色唔同🥳。而且餐湯🍲都好清甜，連湯渣嘅紅蘿蔔🥕同蓮藕🪷清甜好食，感受到餐廳好有心機煮💕。