影片
更多
2023-11-27
143 瀏覽
2023年11月8日 星期三呢排工作實在係太攰，所以決定今晚同老婆出去尖沙咀食好啲慰勞下自己，選擇咗呢一間居酒屋，好似新開張冇幾耐，但網上評價唔錯，所以一於黎試吓餐廳位於藍馬商業大廈，一出電梯就已經見到餐廳，裡面裝修得好靚，擺滿左日系既裝飾，用木黎做主調，感覺好舒適好快我哋就已經點左餐等食，第一道菜式係爖月比翼雙飛，其實係燒乳鴿，嚟到嘅時候店員用咗一張紙蓋住乳鴿，然之後再用火燒咗張紙，視覺效果一流，乳鴿外皮脆卜卜，肉質好嫩滑然後有明太子蛋卷，蛋味好濃郁，一咬落去裡而全部都係明太子，唔會太辣，有鹹香呢個係冰鎮雜菜條，附有醬汁喺隔離，仲有個火暖住個醬汁，所以當蔬菜一點醬汁嘅時候，冰火交替，蔬菜咬落去脆脆地，裏面仍然保留水份，醬汁同蔬菜好配合，愈食愈開胃串燒方面我哋要咗燒牛舌，牛舌每一舊都好厚身，咬落去一啲都唔韌，牛肉味幾出，上面仲加咗調味粉，食落去更加惹味再嚟有鹹牛肉明太子燒山芋，冇諗過鹹牛肉同明太子會咁配合，食落去鹹鹹地有少少辣，令到本身冇乜味嘅山芋更加好食，而且山芋口感好爽脆，真係第一次咁樣食呢個係日本粉絲海鮮鍋，粉絲吸收晒湯汁嘅味道，咬落彈牙又夠味，海鮮同蔬菜都煮到好腍，用黎撈飯食簡
呢排工作實在係太攰，所以決定今晚同老婆出去尖沙咀食好啲慰勞下自己，選擇咗呢一間居酒屋，好似新開張冇幾耐，但網上評價唔錯，所以一於黎試吓
餐廳位於藍馬商業大廈，一出電梯就已經見到餐廳，裡面裝修得好靚，擺滿左日系既裝飾，用木黎做主調，感覺好舒適
好快我哋就已經點左餐等食，第一道菜式係爖月比翼雙飛，其實係燒乳鴿，嚟到嘅時候店員用咗一張紙蓋住乳鴿，然之後再用火燒咗張紙，視覺效果一流，乳鴿外皮脆卜卜，肉質好嫩滑
然後有明太子蛋卷，蛋味好濃郁，一咬落去裡而全部都係明太子，唔會太辣，有鹹香
呢個係冰鎮雜菜條，附有醬汁喺隔離，仲有個火暖住個醬汁，所以當蔬菜一點醬汁嘅時候，冰火交替，蔬菜咬落去脆脆地，裏面仍然保留水份，醬汁同蔬菜好配合，愈食愈開胃
串燒方面我哋要咗燒牛舌，牛舌每一舊都好厚身，咬落去一啲都唔韌，牛肉味幾出，上面仲加咗調味粉，食落去更加惹味
再嚟有鹹牛肉明太子燒山芋，冇諗過鹹牛肉同明太子會咁配合，食落去鹹鹹地有少少辣，令到本身冇乜味嘅山芋更加好食，而且山芋口感好爽脆，真係第一次咁樣食
呢個係日本粉絲海鮮鍋，粉絲吸收晒湯汁嘅味道，咬落彈牙又夠味，海鮮同蔬菜都煮到好腍，用黎撈飯食簡直一流
然後有天婦羅稻庭烏冬，天婦羅炸得啱啱好，炸漿唔會好厚，蝦都好大隻而且彈牙，烏冬份量都唔少，質感幼滑有咬口
最後仲有鐵板和牛，和牛煎到大約五成熟，中間既肉質仲係粉嫩嘅，所以食落去一啲都唔韌，入口即溶，充滿油脂，配埋蔬菜食就啱啱好
最後埋單有折扣優惠，除返開每人都係三百幾蚊，值得一試
張貼
