影片
更多
2025-01-08
83 瀏覽
2024年12月11日 星期三今日難得早收工，就決定出去銅鑼灣行下街，發現希慎廣場地下果幾層已經裝修完成，仲多左好多餐廳進駐添，咁岩行到攰攰地就決定睇吓有咩好食見到呢一間餐廳賣嘅漢堡包好似幾吸引，仲有唔少人幫襯添，所以就俾個機會佢試一試餐牌除咗漢堡包之外，都有其他食物選擇，種類都唔少，可以加錢升級套餐有埋餐湯或者沙律同飲品，價錢都唔算太貴，最後揀左一個burger同一份意粉等咗大約15分鐘食物就製作完成，見到個burger真係好大份，新鮮製作真係唔同啲，成個包熱辣辣好足料，呢個係侯斯頓漢堡，除咗有安格斯牛肉之外，仲有大大塊煙肉同蕃茄，加埋車打芝士簡直係絕配，牛肉唔只肉汁多，仲完全唔韌，同芝士勁夾，加上煙肉嘅鹹香味更加提升成個漢堡包嘅層次！！仲有配菜嘅薯條份量都唔少，每條都好厚身又夠香脆呢個係升級套餐有既田園沙律，酸酸地幾開胃，食完漢堡包先食仲可以消除油膩既感覺，菜都好新鮮至於餐湯有黑松露雜菌忌廉湯，同樣地好足料，每啖都食到雜菌，仲有好香嘅黑松露味添，個湯一啲都唔稀，飲完之後暖笠笠最後有香蒜白酒蜆肉意粉，啲蜆多到鋪滿晒成個碟，每一粒蜆肉都好飽滿，完全冇沙，意粉都煮得好彈牙，食埋之後真係好
今日難得早收工，就決定出去銅鑼灣行下街，發現希慎廣場地下果幾層已經裝修完成，仲多左好多餐廳進駐添，咁岩行到攰攰地就決定睇吓有咩好食
見到呢一間餐廳賣嘅漢堡包好似幾吸引，仲有唔少人幫襯添，所以就俾個機會佢試一試
餐牌除咗漢堡包之外，都有其他食物選擇，種類都唔少，可以加錢升級套餐有埋餐湯或者沙律同飲品，價錢都唔算太貴，最後揀左一個burger同一份意粉
等咗大約15分鐘食物就製作完成，見到個burger真係好大份，新鮮製作真係唔同啲，成個包熱辣辣好足料，呢個係侯斯頓漢堡，除咗有安格斯牛肉之外，仲有大大塊煙肉同蕃茄，加埋車打芝士簡直係絕配，牛肉唔只肉汁多，仲完全唔韌，同芝士勁夾，加上煙肉嘅鹹香味更加提升成個漢堡包嘅層次！！
仲有配菜嘅薯條份量都唔少，每條都好厚身又夠香脆
呢個係升級套餐有既田園沙律，酸酸地幾開胃，食完漢堡包先食仲可以消除油膩既感覺，菜都好新鮮
至於餐湯有黑松露雜菌忌廉湯，同樣地好足料，每啖都食到雜菌，仲有好香嘅黑松露味添，個湯一啲都唔稀，飲完之後暖笠笠
最後有香蒜白酒蜆肉意粉，啲蜆多到鋪滿晒成個碟，每一粒蜆肉都好飽滿，完全冇沙，意粉都煮得好彈牙，食埋之後真係好飽！！
張貼
