立体派拉麵 (威靈頓街)

營業中

休息中

同朋友仔一齊捐窿捐罅搵美食！今次俾我哋喺中環嘅巷仔發現到超人氣拉麵。日本冠軍拉麵大師林隆臣開嘅「立体派」，今次推出兩款夏日限定拉麵超正！🍜平時女女食麵都好鍾意揀蕃茄湯底，呢個新限定真係啱哂！「蕃茄醬油拉麵」湯底用蔬菜熬足8小時，仲加埋16個月風乾帕爾馬火腿，配流心溏心蛋，正到爆！「仲夏溫泉水冷麵」西瓜清爽多汁，仲有清甜青瓜、蕃茄等時令蔬菜，透心涼，夏天食一流！一見到塊西瓜勁興奮，忍唔住一啖咬落去，超消暑🤤小食仲有唔少選擇。小丸子係勁足料，大大粒，章魚仲好彈牙。大推汁煮厚切叉燒，肥瘦比例剛剛好，好入味，一啲都唔膩。