立体派拉麵 (威靈頓街)

由來自日本大阪的冠軍級拉麵大師林隆臣先生主理的人氣拉麵店「立体派」，最近推出期間限定的嶄新創作拉麵系列，當中包括以濃郁雞白湯為基底的「雞味噌沾麵」、「泡沫雞白湯担担辛麵」以及清新口感的「山藥鹽味凍湯拉麵」！✨雞味噌沾麵 $ 188極濃雞白湯配合特別調製味噌，完美提升濃雞湯的口感層次。選用的粗麵條以日本製的北海道夢之力小麥粉自家製作，更為有彈性，搭配唐揚炸雞串、北海道十勝豚肉半熟叉燒及日本產無激素特濃卵•曉製成的赤心蛋，美味豐盛！✨泡沫雞白湯担担辛麵 $ 198湯底郁鮮甜的雞白湯與海鮮鹽味醬汁，秘製辣椒油採用三種辣椒調製，配合日本花椒、大蒜及陳皮，為湯底添香增辣，層次豐富。配料包括無激素特濃卵製成的赤心蛋，北海道十勝豚肉半熟叉燒，以及阿波尾雞胸肉叉燒及長筍，輔以紫洋蔥及蔥花，香辣惹味！✨山藥鹽味凍湯拉麵 $ 1782025年推出全新力作，湯底特別嚴選優質日本產魚乾及貝類熬製鹽醬汁高湯，清爽鮮美，搭配大量純白滑順的日本山藥泥，更以來自兵庫縣的「日本一こだわり卵」蛋黃，搭配北海道十勝豚肉半熟叉燒及阿波尾雞胸肉叉燒，配上薑絲、山葵、海苔、京蔥，不同的滋味！✨日式煎餃子 ｜章魚小丸子兩款店舖超人氣的小食，餃子皮簿肉餡Juicy，配上秘製香辣醬油超美味，章魚小丸子將薯蓉香滑，包住彈牙嘅八爪魚，好食…查看更多

由日本冠軍級拉麵大師林隆臣創立的人氣拉麵店「立体派」最近推出期間限定拉麵系列!今次限定拉麵一共有3款,有齊沾麵,湯拉麵,仲有冷湯拉麵.將拉麵加入新元素,令拉麵集滋味及創意於一身.雞味噌沾麵極濃雞白湯由日本丹波地雞熬製再及配上特別調製味噌而成以北海道夢之力小麥粉自家製作而成嘅粗麵條 更有彈性又帶起強掛湯力 每啖都品嚐到濃郁沾麵湯精華搭配唐揚炸雞串。北海道十勝豚肉半熟叉燒。赤心蛋令整份沾麵更豐富 絕不單調泡沫雞白湯担担辛麵將傳統担担麵帶黎嶄新詮釋以鮮甜雞白湯及獨特海鮮鹽味醬汁帶出充滿清新感嘅辛香風味將湯底特別打成細膩泡沫狀 增加滑順及豐盈感除此之外 為左增添層次感林隆臣大師更使用以三種辣椒調裂嘅秘製辣椒油配上日本產新紀元赤心蛋。北海道十勝豚肉半熟叉燒。阿波尾雞胸肉叉燒。長筍 絕對滿足山藥鹽味凍湯拉麵完全顛覆左我對拉麵既有嘅印象先係凍湯拉麵 我自己第一次試再配埋山藥 整個配搭都好新鮮鮮甜鹽味凍湯以日本魚乾及貝類熬製最後加上兵庫縣的「日本 卵」蛋黃點綴整個口感更順滑又濃郁…查看更多

我是一個徹頭徹尾的拉麵控！當有喜歡的新拉麵推出就一定會去朝聖，所以這天就約朋友去品嚐期間限定的新拉麵。這夜去到位於中環的RAMEN CUBISM 立体派！藏身於威靈頓街的商業大廈之內，提提大家不需走進大廈只要到旁的樓梯向下走便見到麵店入口。這天不知為何非常嗜甜就來枝木村富士山柚子梳打$29！以天然水製成的梳打爽口清新，可享受到芬芳及奢華的味道。日式煎餃子$48！煎得香口的餃子肉餡非常飽滿，作為餐前小食非常合格。這位就是拉麵店主理人日本大阪冠軍級拉麵大師林隆臣！這次為我們帶來了幾款期間限定新口味拉麵，看見他非常認真的製作令我十分期待。山藥鹽味凍湯拉麵$178！用上養生的山藥作主角夠有特別。「臣」指一出誰與爭鋒哈哈！其實大師只是在淮山上撇出一個位置，放下來自兵庫縣的日本一こだわり卵，成品出來尤如日出般美麗賣相好吸引。以魚乾及貝類熬製出鹽醬汁高湯混搭雪白的日本山藥泥，入口爽滑又清香是我未曾嚐過的新滋味，將蛋黃刺穿拌勻享用添上蛋香後又帶出另一番新口味，最後還可以加入伴隨的紫菜、Wasabi、大蔥及薑絲等配料，得出了非常特別的化學作用，此麵可以三吃感覺十分划算。拉麵內配有兩片北海道十勝豚肉半熟叉燒及一片阿波尾雞胸肉叉燒，兩款也是店家的招牌美食是不用懷疑的好味道。泡沫雞白湯担担辛麵$198！湯頭以濃郁鮮甜的雞白湯加海鮮鹽味醬汁炮製而成，內裏的秘製辣椒油帶出可愛的辣勁香濃又惹味，大師更為湯底特別打成細膩泡沫狀令口感為獨特，配料包括有日本無激素赤心蛋、兩片北海道十勝豚肉半熟叉燒及兩片阿波尾雞胸肉叉燒，加上長筍、紫洋蔥及蔥花來增添香甜味道好有心思。雞味噌沾麵$188！粗麵條以日本製的北海道夢之力小麥粉自家製作，口感份外彈牙掛汁力亦相當不錯呢。配料包括有香脆唐揚炸雞串、兩片北海道十勝豚肉半熟叉燒及日本赤心蛋，超級豐富是令人喜悅的組合。沾麵汁是極濃雞白湯加大師特調的味噌來調成，鮮香惹味而且不會過鹹吃得我滿心歡喜。最後還點了汁煮厚切叉燒$58！足足有3cm厚的叉燒吃過一次之後永遠也不會忘記的，連皮的叉燒肉質非常鬆化入口即溶，這口感跟味道真的太令人著迷了。如果您也跟我一樣是拉麵控的話，那便要來品嚐大師的期間限定拉麵，相信會帶給大家不錯的驚喜。…查看更多

立体派拉麵是我有bookmark的一家拉麵店，但一直未有特意前往。剛好這次和朋友在上環處理事務後，便行過來立体派拉麵吃晚餐。店舖門口在一條小巷，我們都錯過了路口，走回頭幾步，到了路口，下幾級樓梯才到達拉麵店。主餐牌分別有5款拉麵及1款沾麵為常設選項，當中的特級白湯拉麵和九味醬油湯拉麵均是主廚推介。選了前者，是曾經獲獎的一款拉麵，湯底以有機飼養的京都丹波地雞及籠目昆布精製而成，先試湯頭，濃郁鮮味，清爽不油膩。配料有低溫慢煮叉燒及溏心蛋，3大片的叉燒肥瘦相間，口感柔軟，有微微炙燒香氣。溏心蛋的蛋黃呈橙紅色，富蛋香，稍嫌略略熟了一點，不夠流心。拉麵麵條彈牙又掛湯，份量十足，吃完一整碗拉麵好夠飽肚！火炙豚肉擔擔沾麵，朋友選了Level 2的辣度。沾麵汁是以濃郁雞白湯與芝麻味增醬熬製而成，而辣醬是以秘製辣椒油混合3種辣椒所製，我和朋友都覺得Level 2的辣度已好夠辣！沾麵的麵條較為粗身，口感煙靭又掛汁。4大片的叉燒，味道微甜濃郁，但口感沒那麼柔軟。唐揚脆炸雞，炸雞大件，脆漿厚薄適中，新鮮熱焫炸起，皮脆而肉嫩多汁，微微鹹香，擠些檸檬汁及沾些蛋黃醬就更為滋味！店門隱蔽的一家拉麵店，由麵食以至小食都很好吃，份量又夠飽肚，值得再來試試。…查看更多

位於中環的拉麵店「立体派拉麵」，其招牌湯底「雞白湯」，混合日本米鴨、有機飼養京都丹波地雞、日本各地近四十種味噌等熬製而成，香濃而不油膩。濃郁得黏口味道充滿雞的鮮香，就是很多朋友為了這碗湯慕名而來👍最近仲推出咗下午茶，泡沫雞白湯拉麵，造型賣相一流，未食以為叫咗杯Cappuccino 好盞鬼，而且份量適中，真係任何時候都可以食拉麵😋🍜泡沫雞白湯拉麵餐 $ 98必食推介，一杯咖啡嘅造型真係打卡一流，泡沫全部用蛋白打成，雞湯配低温慢煮叉燒，湯頭濃郁鮮味得無話可說，拉麵爽口彈牙又掛湯，慢煮叉燒軟腍肥瘦相隔，再配合埋泡沫蛋白，令拉麵更香滑味道更有層次，而且加 $ 5 就可以飲到大大支嘅日本烏龍茶 ，非常抵飲🍜灸燒北海道帶子拉麵 $ 158用上刺身級北海道帶子，足足有六大粒，灸燒後外焦鮮，配料有洋蔥 、木之牙、明太子粉，湯底是塩醬油湯底，味道清新帶鹽香，夏日炎炎食非常清爽🥟日式煎餃子 $ 48傳統日式做法，皮薄煎得香脆，餃子餡料充滿菜和豬肉，入口多汁又爽口，沾上特製餃子汁好美味🐔唐揚脆炸雞 $ 52必食小食推介，炸雞外層香脆，肉質Juicy得很，不需添加任何醬汁亦很夠味，亦可沾上沙律醬增添風味🥤木村完熟白桃汽水 $ 28店內有很多日式飲品，例如各種果味梳打、烏龍茶、汽水和啤酒等等…查看更多

嚟中環「立体派」，就為咗試下拉麵大師林隆臣推出嘅三款全新創意拉麵！三種截然不同嘅風味組合，有各自不同的口感同個性。🍜 Tororo Shio Cold Ramen 山藥鹽味凍湯拉麵 賣相真係賞心悅目！滿滿雪白順滑嘅日本山藥泥中間，放上兵庫縣頂級「日本一こだわり卵」蛋黃點綴。鹽味高湯用上日本優質魚乾同貝類熬成，清爽鮮甜。冰涼湯底配上山藥細緻嘅滑潤感，一入口就感受到非一般嘅清新體驗。山藥鹽味凍湯拉麵搭配北海道十勝豚肉半熟叉燒同阿波尾雞胸肉叉燒亦都異常鮮嫩！再按個人口味拌入薑絲、wasabi、海苔、京蔥，每一口都帶嚟更豐富嘅滋味。這個山藥鹽味凍湯拉麵不只視覺與口感兼備 … 仲兼具健康與美容功效。日本山藥嘅豐富膳食纖維和營養成分有助於消化、增強免疫力，更含有豐富抗氧化成分，有助美白肌膚、促進膠原蛋白生成及維持肌膚彈性。🍜 Torisoba Spicy Dandan Noodles泡沫雞白湯担担辛麵由拉麵大師林隆臣特別研發香港限定口味。湯底特別打成細膩泡沫狀，令口感更加滑順細膩，提升豐盈順滑層次。微辣風味嚟自三種辣椒調製，配合日本花椒、大蒜及陳皮，為湯底增添香辣 … 亦充滿中華料理嘅口味！泡沫雞白湯担担辛麵嘅配料包括日本產新紀元無激素特濃卵製成的赤心蛋，北海道十勝豚肉半熟叉燒，同埋阿波尾雞胸肉叉燒及長筍，輔以紫洋蔥及蔥花，既中和辣度又提升整體口感。🍜 Chicken Miso Tsukemen 雞味噌沾麵 以京都丹波地雞熬製成極濃雞白湯；自家調製味噌，完美提升濃雞湯的口感層次。自家製粗麵條麵底有彈性，搭配唐揚炸雞串、北海道十勝豚肉半熟叉燒及日本產新紀元無激素特濃卵．曉製成的赤心蛋，令到沾麵體驗注入更豐盛的滋味整個用餐環境都充滿藝術氣息——中環店牆上掛滿油畫、日本陶瓷細節位都見心思。喺藝術氛圍中食拉麵，好似味覺都變得立體咗。三款創新拉麵，三重驚喜體驗，一次過滿足清新、辛香、濃郁三大口味渴望。下次食拉麵，記得都要食一碗「立体派」拉麵～「立体派」命名靈感源自20世紀的藝術家畢加索，置身中環店被呢度嘅油畫同日本陶瓷藝術品所吸引，亦感受到舒適自在嘅氛圍。整個用餐環境都充滿藝術氣息。三款創新拉麵，三重驚喜體驗，一次過滿足清新、辛香、濃郁三大口味渴望。…查看更多

【🔥中環拉麵迷注意！日本冠軍大師林隆臣親臨 立体派3款限定拉麵登場🍜】.日本拉麵界傳奇人物——「冠軍級拉麵大師」林隆臣嚟香港啦🎌 由10月24日起，佢主理嘅人氣店「立体派」將推出3款期間限定創作拉麵，仲親自飛嚟香港坐鎮，拉麵控絕對唔可以錯過！✨【店舖亮點】✨1200呎日式木系空間🏮搭配油畫同陶瓷藝術，打卡一流~食得精緻又IGable💖情侶約會、朋友聚會都啱晒👫——————————🍜【限定拉麵逐款睇】🍜.1️⃣ 雞味噌沾麵（$188）👉🏻 湯底：用日本京都有機「丹波地雞」熬製，雞味濃到爆燈🐔 加上大師特調味噌，層次複雜得嚟唔膩口～👉🏻 麵條：北海道夢之力小麥粉手打粗麵，夠哂彈牙，掛湯力MAX！👉🏻 配料：唐揚炸雞外脆內嫩🍗十勝豚肉叉燒入口即化🥓仲有流心赤心蛋🥚💬 食評：一啖濃湯一啖麵，味噌香氣攻陷味蕾，冬天食暖笠笠超治癒❄️2️⃣ 泡沫雞白湯担担辛麵（$198）👉🏻 湯底：顛覆傳統！冇芝麻嘅担担麵你試過未？🌶️ 雞白湯打成泡沫☁️海鮮鹽味醬汁+秘製三色辣椒油，辣得嚟帶花椒香～👉🏻 配料：阿波尾雞胸叉燒滑嫩🐥紫洋蔥爽脆解辣🧅仲有流心蛋同長筍增加口感！💬 食評：泡沫湯底辣度溫和但後勁有層次，鍾意創新口味必試！3️⃣ 山藥鹽味凍湯拉麵（$178） 👉🏻 湯底：魚乾貝類高湯+日本山藥泥，冰涼鮮甜❄️兵庫縣頂級蛋黃畫龍點睛✨👉🏻 健康牌：山藥膳食纖維爆棚💪維他命E係普通蛋30倍！食完皮膚滑嫩👶👉🏻 配料：半熟叉燒+雞胸肉雙拼🐷🐔薑絲山葵自己加，清新感十足！💬 食評：凍湯拉麵超罕有！山藥綿密似慕斯，開胃到停唔到口🍃——————————🏆【大師來頭勁】林隆臣拎獎拎到手軟：✔️ 2018次世代拉麵全國冠軍🏅✔️ 監製杯麵賣出110萬個🍜✔️ 連續2年入選Tabelog百大名店🎖️今次限定系列只賣到11月底，快啲約埋班拉麵友衝啦！立体派🍜📍地點：中環威靈頓街27-29號元益大廈…查看更多

🌟✨ Had an amazing time at Ramen Cubism in Central! 🍜💖We were thrilled to try the limited-time creations by the legendary Chef Lin Rongchen! 🤩🇯🇵 The atmosphere was so cozy and inviting, with beautiful wooden decor and stunning Japanese ceramics. It felt like a home away from home! 🏡🌿We indulged in the Chicken Miso Dipping Noodles (HKD 188) — rich chicken broth paired with handmade noodles, crispy karaage, and a perfectly soft-boiled egg. 🥚🍗 The flavors were out of this world! 🌈Next, we sampled the Foamy Chicken Broth Dan Dan Noodles (HKD 198). This dish was a refreshing twist on a classic, with a silky foam and a hint of spice that kept us coming back for more! 🔥🥢Finally, we couldn’t resist the Yam Salted Cold Soup Ramen (HKD 178). It was light, refreshing, and packed with nutrients — perfect for a wellness boost! 🍃💪Each bowl was a masterpiece, and the team’s dedication to quality and comfort truly shone through. Can’t wait to return! 🍽💕…查看更多

𓆸 立体派 Ramen Cubism 𓆸由日本冠軍級拉麵大師 林隆臣 主理、以「創作拉麵」聞名嘅人氣品牌「立体派」，10月24日起再度帶嚟三款全新期間限定拉麵 🍜 今次大師更親由大阪來港坐鎮，中環拉麵控要準備！！𓌈 雞味噌沾麵 $188湯底用京都有機丹波地雞熬成極濃雞白湯，再混合大師特調味噌，鹹香層次豐富。粗身麵條以北海道夢之力小麥粉自家製作，彈牙有咬口，掛湯力超高，每啖都包住雞湯精華配料有唐揚炸雞串、十勝豚肉半熟叉燒、赤心蛋，唔會太heavy𓌈 泡沫雞白湯担担辛麵 $198湯底以雞白湯融合海鮮鹽味醬汁，打成細膩泡沫，入口超滑順，仲可以揀辣度，好易入口，帶層次嘅微辣感🌶️配料有兩款叉燒、長筍、赤心蛋，食落香氣同口感平衡得好好，每啖都有湯香同辣味嘅層次感，清爽而唔膩𓌈 山藥鹽味凍湯拉麵 $178最新作！用魚乾同貝類熬成清爽鹽湯，再加入滑順日本山藥泥！入口冰涼細滑，仲有兵庫縣「日本一こだわり卵」金黃蛋黃點綴～真心第一次試山藥入饌既拉麵，好特別• ───────────────𓌉𓌱 冠軍大師親臨 · 三款期間限定登場 𓌉𓌱◌ 自家製北海道小麥麵 · 彈牙掛湯力滿分◌ 創意演繹經典拉麵 · 以雞湯為靈魂#立体派 #RamenCubism #拉麵 #林隆臣 #ramen #中環美食 #香港拉麵 #限定拉麵 #沾麵 #雞白湯 #ramenlover #ramenlife #japanesefood #hongkongfoodie #期間限定…查看更多

創意不斷既「立體派」又有新搞作啦！雖然未必個個系列都岩大家，不過今次我自己就覺得整體都唔差。10月24日起，推出全新限定嶄新創作拉麵系列，雞味噌沾麵，泡沫雞白湯担担辛麵，山藥鹽味凍湯拉麵。延續獨特創意風格同其出色既味道，用料上盛，主廚每碗拉麵成品都非常重視！極濃雞白湯配上特別調製味噌，沾麵汁味道濃厚配搭粗麵條，更加掛汁，一絲不苟。搭配唐揚炸雞串、兩片北海道十勝豚肉半熟叉燒以及日本產新紀元無激素特濃卵．曉製成既赤心蛋。材料豐富，將炸雞串沾入麵汁，味道即時提升添呀！突破傳統的泡沫雞白湯担担辛麵，用左濃郁鮮甜既雞白湯同埋獨特既海鮮鹽味醬汁，係擔擔麵黎講有所突破，係辛辣拉麵別樹一格。赤心蛋，北海道十勝豚肉半熟叉燒，以及兩片阿波尾雞胸肉叉燒，材料同樣豐富。…查看更多

今年香港嘅拉麵店百花齊放連我呢個低碳人士都想追住試立体派拉麵 可能大家都聽過當晚衝住個新item ❤️山藥鹽味凍湯拉麵 而嚟可以話係初體驗！ 特別嘅湯底 & 配搭當日日本冠軍級拉麵大師林隆臣都在場即興表演望住大師好瀟灑揮一揮鐵勺山藥緩緩滑落至蓋過拉麵湯最後再温柔地將日本卵置中成品靚到完全唔想破壞個美感拌勻食我自己好鍾意個滑嘟嘟嘅口感另外凍食嘅北海道十勝豚肉半熟叉燒同阿波尾雞胸肉叉燒又意外地夾～新登場仲有另外兩款拉麵🍜雞味噌沾麵 🍜雞白湯担担辛麵個人好鍾意沾麵覺得個沾麵湯真心濃郁正食完又再話好口渴個汁仲可以蘸點埋個唐揚炸雞串過關！至於個担担辛麵對於我呢個食唔到辣嘅人嚟講都幾辣，幾乎第一啖之後我就放棄淺嚐咗個辛湯係日式嘅中華料理風湯底辣得嚟唔似傳統担担麵咁膩口…查看更多

📍 中環打工仔午餐熱點 今日同同事去咗中環立體派食lunch，平日一點鐘超多人，排咗15分鐘先入座。鋪面比較細，座位有啲逼，但為咗碗拉麵都值得等！ 🌶️ 辣味拉麵✅ 湯底- 辣度溫和，適合怕辣又想試辣嘅人 - 豬骨湯底濃郁，飲到膠質口感 - 辣油香氣突出，唔會蓋過湯底原味 ✅ 配料- 🥩 叉燒薄切軟嫩，脂肪比例剛好 - 🍜 麵條幼身，掛湯力強 🍗 跟餐炸雞✅ 即叫即炸，上枱熱辣辣 ✅ 外皮脆口，肉質嫩滑多汁 ✅ 配檸檬角同他他醬，解膩一流 🍜 豚肉醬油拉麵- 🐷 醬油湯底清甜唔死鹹 - 🥓 豚肉片較瘦，適合怕肥人士 - 🌿 筍條爽脆，增加口感 🏪 環境服務 - 店面狹長，服務生手腳快，翻桌率高 …查看更多

是次用餐感覺奇妙，食物質素其實令人會想回頭，但職員態度確確實實令人卻步。首先，朋友帶左杯飲緊嘅咖啡入黎，回想起的確唔係幾尊重餐廳但職員如果即刻提一句唔可以拎入黎或者我地會叫佢行番出去飲兩啖就dum左佢，但女職員係我哋坐低左一陣先話唔準拎入黎，一係幫你掉左去。另外，我哋用餐時間大概係17：00,暫時係一個堂食食客都無,食到走都無其他食客。但我地放底筷子一陣就想收碗，真係咁急急到枱面仲有兩碟小食都要收埋d筷子？感覺上有少少想趕我哋走嘅感覺，如果多人都真係會食完走，但根本無人，坐多一陣都唔可以？不過是次係女職員令人感覺不太良好，男職員正常操作。講番食物，係真係好食亦都值得一試。拉麵分別叫左：醬油雞拉麵，灸燒豚肉沾麵，雞白湯拉麵。整體麵質偏硬身，有咬口。醬油湯望落去清澈得黎，又同時有濃香嘅感覺。沾麵醬汁濃香掛麵，但麵質因爲偏爽口，如果用於沾麵可以軟身少少。雞白湯湯底濃稠奶白，香味十足，確實值得一試。小食：章魚小丸子，炸雞塊。兩款都外脆內軟又juicy。…查看更多

下午茶黎個泡泡雞白拉麵🍜中環立体派最新嗰個tea set 泡泡雞白拉麵好得意，而且佢價錢真係幾抵 $98就已連埋罐汽水~ 📍泡泡雞白湯拉麵 $98 個麵上到黎好似杯Cappuccino咁，上面係蛋白泡泡再加埋七味粉，食既時候撈埋黎食口感再順滑啲至於個麵份量其實都唔少，有兩條叉燒但可惜就係就無蛋，不過女仔黎講呢個份量已好夠 📍雞醬油拉麵 $158湯底好鮮甜完全唔係死鹹，麵質煙韌彈牙掛湯一流，配料有三款叉燒：柚子雞叉燒+香草火炙雞叉燒同埋火炙北海道十勝豚肉材料超多超豐富我地仲咗叫咗兩款小食：汁煮厚切叉燒 ($58) 同章魚小丸子 ($58) ，豚肉炆得非常軟腍入味醬汁甜鹹適中，至於小丸子就正常發揮啦～#中環美食#打卡餐廳#打卡美食#相機食先#中環拉麵#topcitybiteshk#hkfoodie#hongkongfood#hongkonger#hkrestaurant#hkfood#hkig#foodoftheday#hkfoodkiller…查看更多

中環威靈頓街，出名係美食嘅一級戰區，冇啲實力都好難立足。喺呢條街嘅地庫，就藏住一間由日本過江龍，冠軍級拉麵大師林隆臣先生創立嘅「立体派」(Ramen Cubism)。 餐廳個名靈感嚟自畢加索嘅藝術運動，未食都已經感受到一份藝術氣息。 今次專程嚟試下佢嘅出品，睇下係咪真係咁有「立体感」！🖼️ 環境篇：摩登和風，打卡一流嘅拉麵竇唔好以為地庫就一定又暗又窄，一落到去「立体派」反而有種豁然開朗嘅感覺。店內用咗大量木材元素，配上牆身嘅油畫同精緻嘅日本陶瓷碗碟，營造出一個好溫馨又帶點摩登嘅和風空間。燈光柔和，坐得舒服，無論係情侶撐枱腳定係三五知己聚會都非常適合，絕對係一個可以放鬆心情，慢慢享受一碗好麵嘅地方。🍜 食物篇：傳統與創新嘅完美結合睇完張單，今次嘅主角明顯係兩款風格截然不同嘅拉麵，再配搭幾款人氣小食，可以話係一次過試勻店家嘅招牌同創意之作。✨ 招牌實力之作：雞醬油拉麵 ($158)呢碗「雞醬油拉麵」可以話係店舖嘅實力擔當。一上枱，嗰三款唔同嘅叉燒已經非常吸睛！ 湯底與麵條：湯底用咗日本產雞、新鮮花蛤同蜆貝，再配搭醬油同味醂熬製，飲落去係一種清澈而有深度嘅鮮甜，完全唔係死鹹，飲完成個人好舒服。 麵條係自家製嘅中等粗度麵，口感煙韌彈牙，掛湯能力一流，每一啖都索滿湯嘅精華。 三重奏叉燒：呢碗麵最精彩嘅地方，就係有三款唔同嘅肉！ 1. 柚子雞叉燒：用阿波尾雞胸肉以柚子皮醃製，肉質彈牙得嚟帶有清新嘅柚子香，好開胃。 2. 香草火炙雞叉燒： 雞腿肉連皮用香草醃完再火炙，雞皮焦香，肉質嫩滑多汁。 3. 火炙北海道十勝豚肉：肥瘦適中嘅豚肉梅頭，經過火炙之後油香四溢，入口即溶。 總結：呢碗麵由湯底、麵條到配料都睇得出大師嘅功架，層次感非常豐富，每一啖都有新發現，158蚊絕對值回票價。☕ 下午茶限定驚喜：泡沫雞白湯拉麵套餐 ($106)另一碗「泡沫雞白湯拉麵」就完全係另一種風格，淨係個樣已經呃到唔少菲林！外觀與口感：成碗麵睇落好似一杯精緻嘅Cappuccino，面頭舖滿細膩綿密嘅蛋白泡沫，再灑上七味粉點綴，賣相滿分。將泡沫同湯攪勻之後，湯底變得更加順滑。佢嘅雞白湯底本身已經非常濃郁，充滿雞嘅鮮香，但又唔會油膩。 配料： 配料有低溫慢煮叉燒，肉質軟腍。呢個配搭相對簡單，主角完全落喺個湯同泡沫嘅創意之上。套餐體驗：呢個係下午茶時段 (14:30-18:00) 限定，單點$98，我哋加咗$8轉配「木村完熟白桃汽水」，成個套餐$106，喺中環地段嚟講，算係一個幾抵玩嘅下午茶體驗。白桃汽水嘅清甜，正好中和咗雞白湯嘅濃郁，係一個唔錯嘅配搭。🐙 佐酒小食之選汁煮厚切叉燒 ($58)：如果覺得拉麵嘅叉燒唔夠喉，呢個絕對係必點。厚切嘅豚肉炆得非常軟腍入味，醬汁甜鹹適中，油香十足，用嚟送啤酒簡直一流！章魚小丸子 ($58)：外皮炸得香脆，內裏保持到軟糯嘅質感，中間嘅章魚粒亦夠彈牙，係水準之作。總結：冠軍級數，名不虛傳 🏆總括嚟講，「立体派」絕對唔係浪得虛名。由餐廳環境、服務，到最重要嘅食物質素，都體現到冠軍級拉麵大師林隆臣嘅功力同執著。佢唔單止守住傳統拉麵嘅靈魂——濃郁而有層次嘅湯底，仲不斷加入好似「泡沫拉麵」呢啲充滿藝術感同玩味嘅新元素，令食客每次嚟都有新鮮感。雖然價錢喺拉麵界嚟講屬於中上水平，但考慮到佢位處中環黃金地段，加上用料上乘同埋大師級嘅創意，CP值其實相當唔錯。無論你係一個追求正宗風味嘅拉麵迷，定係鍾意試新嘢、愛打卡嘅潮人，我都非常推薦你嚟「立体派」體驗一下呢場味覺嘅藝術盛宴！…查看更多