影片
更多
2024-01-24
50 瀏覽
正所謂不時不食，一年唔同嘅時間就應該食唔同嘅當造食材，咁先至係識飲識食😎 香港餐廳都會喺唔同嘅月份推出唔同嘅主題菜式，今日我就俾＜雪下覓炙 SEOLHAMYEOK＞既一個主題吸引咗嚟，係乜嘢？就係法國當造嘅黑松露（Tuber Melanosporum）， 仲要係有鮮刨嘅黑松露🤩🤩🤩而家諗返起都好回味🥰＜雪下覓炙 SEOLHAMYEOK＞ 位於海運中心地下， 裝修系新派嘅韓式烤肉風，卡位坐得好舒服☺️ 話明黑松露係主打，梗係要試下佢個＜冬雪松露美饌＞😎 而家惠顧呢個餐仲送每人一杯紅麴米米酒，飲落又有另一番風味，幾有特色👍🌟餐廳先會提供八種韓式前菜，其中四款包括泡菜都可以任添加， 味道幾好，泡菜好得👍🌟松露生牛肉他他生牛肉好新鮮，睇到啲顏色都覺得正，餐廳有職員會喺你面前將牛他他處理，每個步驟都好細心👍而牛他他裏面都有黑松露片，感覺高級咗好多。 呢度要分享一個小秘訣， 加少少鹽粒食會提鮮好多，呢個係我近期食過最好食嘅牛他他，必食😍🌟烤肉總共有五款，上碟都幾震撼，包括牛舌，外裙肉，和牛牛肋肉，三筋肉同夏多布里昂（牛柳），全部我都覺得好正🤩🤩 因為有專人過嚟幫你燒，識燒同唔識燒真係爭好遠，我最鍾意
＜雪下覓炙 SEOLHAMYEOK＞ 位於海運中心地下， 裝修系新派嘅韓式烤肉風，卡位坐得好舒服☺️ 話明黑松露係主打，梗係要試下佢個＜冬雪松露美饌＞😎 而家惠顧呢個餐仲送每人一杯紅麴米米酒，飲落又有另一番風味，幾有特色👍
🌟餐廳先會提供八種韓式前菜，其中四款包括泡菜都可以任添加， 味道幾好，泡菜好得👍
🌟松露生牛肉他他
生牛肉好新鮮，睇到啲顏色都覺得正，餐廳有職員會喺你面前將牛他他處理，每個步驟都好細心👍而牛他他裏面都有黑松露片，感覺高級咗好多。 呢度要分享一個小秘訣， 加少少鹽粒食會提鮮好多，呢個係我近期食過最好食嘅牛他他，必食😍
🌟烤肉
總共有五款，上碟都幾震撼，包括牛舌，外裙肉，和牛牛肋肉，三筋肉同夏多布里昂（牛柳），全部我都覺得好正🤩🤩 因為有專人過嚟幫你燒，識燒同唔識燒真係爭好遠，我最鍾意食係三筋肉，口感同肉味真係好啱我口味！呢個拼盤其實啲肉有啲都係稀有部位，我覺得好值得食👍
🌟牛骨湯
顏色雪白嘅牛骨湯，清清地但牛骨味都好重，食韓式燒肉有個熱湯品其實係好重要😆
🌟月見肩心肉（配松露）
呢個係最令我驚喜🤩 首先塊肉好靚， 又係有專人幫我哋燒，配埋小飯團同蛋黃應該已經係好味嘅保證😎 竟然仲有專人刨原個黑松露😱😱 每人大約有四至五片，每塊都唔薄 🥰 呢隻法國嘅黑松露味道真係好香，平時出去食黑松露菜式，除左用黑松露醬之外，通常都冇乜味道，但呢個真係好得， 黑松露同牛肉，蛋黃好夾，齒頰留香，大推😍
＜雪下覓炙 SEOLHAMYEOK＞ 黑松露主題嘅＜冬雪松露美饌＞真心唔錯，如果有朋友同我一樣覺得平時食開黑松露都冇乜味😅 呢個餐你一定要試 ，會顛覆你食黑松露嘅感覺😎 食過之後嗰種味道你一定會記住，呢個餐絕對值得一試，真心推介🫶🏻
張貼
