太子餐廳

營業中

休息中

2 點零鐘上去客又唔多，位又坐唔滿，但係就俾一個好差既樓梯口單邊位我。我問其中一個伙記阿叔坐入去卡位得唔得，佢好晦氣連答都費事答你，淨係擰手，形態勁差，咁咪走囉。之後諗住打去餐廳俾個機會佢地解釋同埋投訴，聽電話既阿嬸猛話唔關佢事架，佢睇唔到出面喎，佢而家好忙呀，問佢叫乜野名就 cut 我線；再打去就有個阿叔聽，問佢經理應該搵邊個，佢反問我乜事，聽到我話要投訴後就又再 cut 線；再打去就淨係有人拎起電話，冇人出聲。我果時心諗鄧佢老闆慘，請著成班咁既伙計真係倒米趕客。我本來想俾個機會佢地解釋平反，但結果係佢地自取既，做飲食節目統籌既我應該係要搵伙記上去同佢地做介紹。p.s. 後來去左附近既太子冰室食野，同隔離個食客傾開計呻兩句，佢話我好彩走左，因為果度不嬲都冇乜人去， d 野又貴又勁唔好食。