太子餐廳

營業中

休息中

太子穿越時光隧道！復古西餐廳打卡必去 📸港式懷舊打卡西餐混搭風星期日中午同朋友到太子這間港式西餐廳，意外穿越時光隧道！復古陳設與招牌先聲奪人，店內掛滿老香港物品，每個角落都散發懷舊氣息，手機先食絕對停不下來。每碟一到即時引到個個唔記得影抵，好食到無停手。 驚喜發現平日西餐混搭港式創意，南瓜汁魚柳焗天使麵金黃濃郁，南瓜甜香溫柔包裹彈牙麵條。煎雞扒外皮焦脆肉嫩多汁，自製香草醬清新解膩，配脆薯角夠地道。最愛鮮茄燴牛肉配天使麵，番茄酸甜濃稠度完美，燉得軟腍入味。法式洋蔥湯洋蔥焦糖化到位，磨菇湯濃滑，兩款湯品都值得encore！ 服務生笑容親切，落單時主動推薦招牌菜。一點半都接著一枱走即有人坐，可見其人氣。抵食夾大件。懷舊控與打卡族必食！

🚶🏼‍♀️‍➡️路過見到餐廳🍝，見午市餐單有牛🐮有羊🐏又有豬🐷，本來打算抱住試吓心態去食💕。點知有驚喜🫢。我order了一入牛柳🐂午餐。午餐有湯🥣，餐包🥐，主菜🍝和餐飲🥤。我order的羅宋湯，不太甜和太酸，少少辣🌶️啱我口味。餐包暖暖的👍🏻。主菜牛柳🐮一流，我要5成熟，中間心林的，外面煮得剛好。環境是我喜歡的類型，有小小懷舊，最重要喺有位服務員的貼心服務🫰🏻值得推介。

【2024 年 3 月】成日行花墟都唔知有間咁懷舊嘅老派港式西餐廳 ...位置不太起眼，入門口上一樓才係餐廳餐廳環境優雅舒適，襯埋老派經典金曲充滿舊香港 80、90 年代氛圍 ~~下午茶選擇都幾多有三文治、沙律、即食麵、米線、炒粉麵飯 ...儍媽。星洲炒米 + 凍奶茶 (HK$79)蝦幾大隻，炒得夠乾身，好香好有穫氣 ~~儍爸。乾炒牛河 + 凍奶茶 (HK$79)** 以上分享是以我的口味、體質和情況作出分享及感受，一試 / 合用與否請自行決定

用心經營餐廳☺️🥩🥓用心服務、餐廳內擺設好似博物館一樣🧸🪆🧩這裏有一種久違了的舊香港味道，推介 值得支持🥰🥰餐廳內擺設，員工告知係旅行購買來添置的手信，一部份更是由其他客人送贈的，每一個擺設都有一個主題，整齊有序。餐廳食物質素亦算係高質，伴菜有西瓜伴碟，跟餐甜品，有紅豆涼粉、三色啫哩同椰汁糕，三款甜品選擇，員工講椰汁糕係自家製，我同朋友亦叫咗兩份椰汁糕，的確出色 仲有椰果伴碟。值得支持同推介嘅餐廳。🥰

同鄰居出太子剧扒，點知壞冷氣，咁就即刻轉場地。另一個鄰居話有間去食開，咁就去試吓。呢間成日去花墟都會經過，但係一個人就真係冇諗過嚟食。鄰居強烈建議飲洋蔥湯，咁我就嗌咗一個，不過就貪心啲加咗塊酥皮。跟住見到鄰居個洋蔥湯好似水咁，同我期望有少少分別。因為我加咗酥皮，就要等耐少少先至嚟。個酥皮做得幾好夠薄脆，塊皮唔會太厚，唔會食到太飽。不過個洋蔥湯就清咗少少。我就唔知想食咩好，所以就嗌咗個雜扒餐樣樣試d。樣樣都薄薄地，煎得幾脆口。至少唔係嗱得好勁個啲old school牛月豬。最後個芒果布甸，食落去好有細個自己開粉整布甸嘅感覺，而是回憶全部返晒嚟，個黑啡啡底都做得幾好唔太苦，亦都唔酸。可以值得一試。

首先講食物質素，叫了一個肉醬意粉、 咖哩豬扒飯，和芝士蛋糕，三樣都好難食， 如果連一個小朋友都話難食，相信應該係幾難食，唔明白點解普通嘅菜式，都可以整到咁難食！第二，侍應服務質素真係好一般，原本跟餐係有杯免費餐飲，但小朋友點了蘋果汁，原來收正價（即當另外散叫），都算了，但又不解釋比工人姐姐知，還有一杯免費飲品可以點，終於明白點解佢咁多負評了！呢間餐廳已經很多年歷史，但係一直都好多人話唔好食，而家發現原來唔止唔好食，仲覺得佢哋做生意手法，有待檢討檢討！

5:30pm 入門口前問清楚話6pm前係有下午茶， 入到去老闆娘過嚟落單， 我話要蘋果批下午茶餐， 佢就話要等好耐喎 ，之後叫我諗清楚先落單 。然後我5:40pm 再搵第二個侍應落單 ，跟住佢同我講話冇下午茶😑 ，要叫晚餐。我話頭先入門口嗰時問清楚個侍應話有下午茶 ，跟住佢問我邊個話，冇呢件事。 今日公眾假期冇下午茶喎。 今時今日咁嘅服務態度 ，唔怪得知生意咁差。之後老闆娘仲話晚餐要按人頭計，每人要叫一個餐😫。 晚餐質素一般 ，不見得有什麼特別， 不會再有下次。

早兩日再去呢間餐廳食嘢，之前去過幾次都冇問題，嘢食嘅質素都可以嘅，今次四個人去其中一個係三歲小朋友，坐低攞住個餐牌叫嘢食，攞住個餐牌指比嗰個人知話要啲乜嘢，嗰個人話我睇唔到，你讀出嚟，態度已經好差，寫完就擰轉面走咗去，因為小朋友想飲嘢先，就想嗌埋嘢飲，咁唔好彩佢又喺附近，就叫佢，黑口黑面走過嚟，話使乜咁急啊⋯⋯都算啦，然之後佢話你哋四個人唔可以叫三個餐，有人頭低消，佢又冇寫有低消，一個三歲小朋友都有低消，唔知係咪得罪咗佢，去咁多次有個女士同埋後生仔都好有禮貌，係得呢個有啲年紀嘅男人成日黑口黑面，講唔該有尾音嗰種禮貌，可能佢係老闆，所以唔會再幫襯了。

呢間懷舊餐廳都食咗幾次，事關空間大，環境夠靜，服務同食物質素都好。不過唔知係咪換咗廚師抑或佢SICK LEAVE，同之前食嘅感覺好唔同。花旗安格斯西牛扒 （配薯茸田螺+湯+甜品＋飲品） $278：五成熟，切開似嘅。可惜，一食落去，肉質煮得過熟，5成熟都好靱，食完成碟牙都軟。有啲失望，味道同質感都唔理想。花旗安格斯牛柳 （配蒜茸青口+湯+甜品＋飲品）$298：淋過西冷，但一樣食到牙軟。成碟最好食係薯條，佢係熱辣辣淋身果種。焗薯茸田螺：薯茸好食，好重牛油味同好綿，但田螺無味。蒜茸焗青口：好香嘅蒜茸味，青口還好。

基本上每一次嚟到太子呢一邊，我都會揀呢間餐廳食飯，不過平時好多時都係午餐，今次過嚟食晚餐，講認真佢嘅味道唔係真係好特別，但係呢度餐廳比我嘅懷舊感覺，同埋呢度嘅服務態度，係其他地方無辦法比到我。希望佢唔好執，一直做落去，一間屬於香港人嘅餐廳。

3人點了3個午餐，食完後問我地食唔食甜品。叫左兩件蛋糕講左3人share食。蛋糕上桌後只見一隻空碟，問佢可否俾多2隻碟，我們分來食。一個唔駛著制服的女士話:載住蛋糕咪有兩隻碟。你留番d 空碟自己用!

今日喺太子補完習，同阿仔兩個人去太子餐廳，食物質素同預期中更差，大家樂大快活都好食過佢啊！食物質素先唔講。我12:10落單，12:15有包食，12:18有好似水咁嘅羅宋湯，12:35有主餐，12:50餐飲到，因為阿仔只飲水，所以兩杯凍檸茶都係我飲，只不過放住一杯係佢面前先，當我差唔多飲完我個杯嘅時候12:5x收銀員突然間行去同我仔講，細佬你快啲飲啦喎，我哋要收返張枱，出邊有人排隊呀。嚇到我仔成個彈起諗住準備走，我叫佢坐返低，我未飲完。然後個收銀員拎張單過嚟我枱面，叫我賣咗佢，佢雖然有講唔好意思，但行動上仲係趕緊我走。其實我食咗都冇一個鐘頭，加上個主食你12:35先到，12:5x就趕人走，點可以咁樣！食完1pm我都走。但係呢啲餐廳唔會有下次

午餐食評: 香煎龍脷柳意粉味道幾好，魚柳煎得perfect, 意粉若煮耐些少會比較好，有少少硬；配菜也煮得不夠火喉。茄汁豬扒飯比較差，豬扒及飯有少少硬，不夠火喉！永隆銀行中心入面有間花園餐廳，佢嘅茄汁豬扒飯係一絕，超好味，已經食過幾次，水準一流。7-11 d frozen 嘅盒裝茄汁豬扒飯，以前用白飯，現在改用炒飯底，變咗超差及太硬， 但豬扒超級好食，連老人都食得。

令人失望的太子餐廳我們昨天（22/8/2023）前往太子餐廳吃午線。在餐牌上見到蕃茄焗牛脷飯，於是我們對侍應說請把兩個飯改為扁意粉。誰知食物上枱卻是一個牛脷飯而另一個是扁意粉。太太對侍應說弄錯了，我們叫的是兩個扁意粉，侍應於是就把該牛脷飯拿回去。卻在不到1分鐘，穿淺藍色恤衫、戴眼鏡的，估計是老闆娘，卻把該盤飯放回我太太的枱面，說：「你是叫了一個飯及一個扁意粉」。態度十分堅決，說完就走了。看見她的態度，我們當時都呆了。但我太太十分清楚。當時落單是說兩個飯都要改做扁意粉。另外一件事就是該套餐有餐湯及麵包。我在享用麵包時不小心把麵包弄丟了掉到地上，於是我拾回放在枱邊。太太代我叫侍應來問可否更換呢？該女侍應是一位上年紀的女士，戴眼鏡及剪短髮，穿白色為主的T恤。她前來問我，其口氣像是質詢：「阿媽話掉了麵包應該如何」？我回應說：「執返起來吃」。於是她用叉子把那個我放回枱面上的麵包拿走了。不久，她放了一個麵包在我面前，說：「下次再跌就冇啦」。跟着她說講笑啫，笑了一下。雖然她給了一個麵包，但其說話及語氣令我們覺得難受。我現在始在此食評見到不少對太子餐廳的劣評，但仍然發生此事，相信他們不會理會。但穿制服

去完花墟買花，周圍都係人，唔想行咁遠搵嘢食，近近哋又去咗「太子餐廳」，大大話話呢間餐廳我都食咗10幾年，貪佢地點夠方便，環境又唔會太嘈，永遠都唔使等位，我諗一年總會幫襯三四次左右🤔每次都會叫佢嘅法式洋蔥湯🥣唔係佢特別好飲，而係冇乜西餐廳會有有呢個選擇，今次都唔例外。而主菜今次叫咗三文魚、大蝦意粉，仲有羊架，一如以往，保持一貫水準。雖然佢價錢唔係平，但佢咁多年都保持住一定嘅水準，而且有舊式西餐廳嘅陳設。另外，作為太子嘅老餐廳，佢仲好有心咁喺舖頭入面陳列左舊太子嘅相片同介紹，好有舊情懷🥰