影片
更多
2024-05-30
63 瀏覽
朋友生日佢鍾意食鐵板燒，所以今日就去咗銅鑼灣食飯，可能大家嘅消費模式改變了，感覺上而家喺香港食嘢好似實惠咗，通常有啲優惠！二人餐前菜有個沙律，俾你開開個胃，之後睇住師傅喺你面前煎熟嘅象拔蚌入口彈牙清甜，有鐵板獨有嘅香氣。之後見到size非常大隻的鮑魚，個鮑魚勁新鮮，睇住師傅嘅手勢慢慢煮熟切開及上碟視覺上都滿足晒。上碟嘅鮑魚仲有啲三文魚子及昆布做嘅醬汁，而旁邊伴碟嘅海草仲可以食得嘅，鮑魚非常彈牙配埋個醬汁又滑又香，加埋三文魚子鮮上加鮮。之後有一隻龍蝦，size好大隻，由生煎到熟，醬汁配合埋龍蝦嘅蝦膏，真係好惹味呀！龍蝦肉彈牙配埋蝦膏醬汁，味道更加突出又濃烈。跟住匈牙利嘅鬈毛豬，不用煎到全熟，咬開幼嫩又充滿肉汁。朋友的和牛，煎得外皮焦香，入口充滿油脂嘅豐盈感。清酒煮蜆，師傅喺鐵板上放上一個錫紙嘅器皿之後加入清酒，燃燒嘅時候會產生噼啪噼啪嘅爆裂聲，之後再加入蜆肉及高湯慢慢煮熟，喺旁邊聞到個酒香已經好吸引，個蜆入口清甜，最緊要個湯充滿鮮味，好醒神！最後海膽炒飯，每個飯粒都炒得粆粆分明，充滿蛋香。最緊要用上北海道嘅生海膽鋪面，因為海膽炒熟咗就會流失咗鮮味，生食始終係最滋味。當然有雪糕結尾，有荔枝
二人餐前菜有個沙律，俾你開開個胃，之後睇住師傅喺你面前煎熟嘅象拔蚌入口彈牙清甜，有鐵板獨有嘅香氣。
之後見到size非常大隻的鮑魚，個鮑魚勁新鮮，睇住師傅嘅手勢慢慢煮熟切開及上碟視覺上都滿足晒。上碟嘅鮑魚仲有啲三文魚子及昆布做嘅醬汁，而旁邊伴碟嘅海草仲可以食得嘅，鮑魚非常彈牙配埋個醬汁又滑又香，加埋三文魚子鮮上加鮮。
之後有一隻龍蝦，size好大隻，由生煎到熟，醬汁配合埋龍蝦嘅蝦膏，真係好惹味呀！龍蝦肉彈牙配埋蝦膏醬汁，味道更加突出又濃烈。
跟住匈牙利嘅鬈毛豬，不用煎到全熟，咬開幼嫩又充滿肉汁。朋友的和牛，煎得外皮焦香，入口充滿油脂嘅豐盈感。
清酒煮蜆，師傅喺鐵板上放上一個錫紙嘅器皿之後加入清酒，燃燒嘅時候會產生噼啪噼啪嘅爆裂聲，之後再加入蜆肉及高湯慢慢煮熟，喺旁邊聞到個酒香已經好吸引，個蜆入口清甜，最緊要個湯充滿鮮味，好醒神！
最後海膽炒飯，每個飯粒都炒得粆粆分明，充滿蛋香。最緊要用上北海道嘅生海膽鋪面，因為海膽炒熟咗就會流失咗鮮味，生食始終係最滋味。
當然有雪糕結尾，有荔枝水果的味道及幾特別嘅沖繩海鹽雪糕！
餐廳用料真係好新鮮，食得好滿足的一餐，有陣時留港消費，水準的確幾高！
張貼
