瀛豐放題料理專門店

今日約咗朋友喺銅鑼灣食日式放題，佢地推介呢間日式放題性價比高，所以一於去試吓。我地叫咗佢地嘅升級海鮮，係任食嘅，所以非常抵食。每樣刺身都勁新鮮，帶子同海膽都好鮮甜，第1次食魚子醬，原來味道係好鮮，每粒魚子喺口果度爆開，都幾好味，長腳蟹都有海水味，食落好重蟹味，鮑魚都幾大隻，味道非常好。佢地嘅炸物唔油膩，熱辣辣，都幾香脆，而壽司同手卷都係即叫即整，都幾新鮮。除咗日式食物外，佢地做緊泰國主題，都有好多款泰式食品，我地叫咗辣椒膏抄蜆，泰式炒雜菜，2款都勁惹味，炒得好香，好有泰式風味。出面仲有好多甜品，飲品同冷盤，都幾多元化。