影片
更多
2022-10-26
2307 瀏覽
翠林辣蟹舫，大家都知佢係網紅蟹店，因為勁多artists都去過食！今次我都唔執輸帶埋媽咪去試吓佢啲靚蟹～～ 呢度嘅招牌菜當然係蟹啦，佢哋有五款不同口味可以選擇，有辣有唔辣，分別係避風塘炒蟹、黃金流沙蟹、黑白胡椒蟹、椒麻香辣蟹和蟹油醬香辣蟹。我哋唔想食辣就叫咗個黃金流沙蟹。流沙蟹鋪滿咗金黃色嘅鹹蛋黃，就如流沙般將蟹包裹住，鹹蛋黃嘅香味濃郁，入口甘香，而蟹本身仲用鹹蛋黃炸香，令其香味更加突出。蟹份量都好大隻，厚肉飽滿，蟹殼炸過所以較脆卜卜，好易就可以用工具剝開蟹肉鮮甜味美，同鹹蛋黃嘅味道好夾。食完隻靚蟹就梗係要再叫埋啲小食啦， 餐廳每個月都會更新優惠菜式我地叫左三款黎試試酥脆蠔仔餅：蠔餅即叫即整，所以上檯熱辣辣脆卜卜，食落酥脆可口，而且蠔餅嘅蠔仔粒粒夠飽滿又新鮮，粉同蠔仔嘅比例拿捏得宜，令口感特別好。彩椒菜甫牛仔粒：牛仔粒份量都幾多，肉味濃郁，有滿滿嘅肉汁，加埋色彩斑斕嘅彩椒同埋咸香嘅菜甫一齊炒，無諗過菜甫嘅味道會同牛肉咁夾，可以更突出牛肉本身嘅肉味。金勾煮葫蘆瓜：食咗咁多較油膩嘅嘢，當然要有返個清淡啲嘅菜，入面用料好豐富，有金勾嘅蝦米、有銀絲嘅粉絲，肉碎同埋葫蘆瓜，口感豐富，可以清減其他
呢度嘅招牌菜當然係蟹啦，佢哋有五款不同口味可以選擇，有辣有唔辣，分別係避風塘炒蟹、黃金流沙蟹、黑白胡椒蟹、椒麻香辣蟹和蟹油醬香辣蟹。
我哋唔想食辣就叫咗個黃金流沙蟹。流沙蟹鋪滿咗金黃色嘅鹹蛋黃，就如流沙般將蟹包裹住，鹹蛋黃嘅香味濃郁，入口甘香，而蟹本身仲用鹹蛋黃炸香，令其香味更加突出。
蟹份量都好大隻，厚肉飽滿，蟹殼炸過所以較脆卜卜，好易就可以用工具剝開
蟹肉鮮甜味美，同鹹蛋黃嘅味道好夾。
食完隻靚蟹就梗係要再叫埋啲小食啦， 餐廳每個月都會更新優惠菜式
我地叫左三款黎試試
酥脆蠔仔餅：蠔餅即叫即整，所以上檯熱辣辣脆卜卜，食落酥脆可口，而且蠔餅嘅蠔仔粒粒夠飽滿又新鮮，粉同蠔仔嘅比例拿捏得宜，令口感特別好。
彩椒菜甫牛仔粒：牛仔粒份量都幾多，肉味濃郁，有滿滿嘅肉汁，加埋色彩斑斕嘅彩椒同埋咸香嘅菜甫一齊炒，無諗過菜甫嘅味道會同牛肉咁夾，可以更突出牛肉本身嘅肉味。
金勾煮葫蘆瓜：食咗咁多較油膩嘅嘢，當然要有返個清淡啲嘅菜，入面用料好豐富，有金勾嘅蝦米、有銀絲嘅粉絲，肉碎同埋葫蘆瓜，口感豐富，可以清減其他餸所帶嘅油膩感。
張貼
