影片
更多
2025-05-30
1886 瀏覽
Mr. Steak buffet一直都係自助餐天花板，嘢食勁高質，有龍蝦、蟹腳、生蠔、刺身呢啲回本嘢食，仲有得任食佐賀和牛勁正。我一諗起食自助餐就揀呢間。龍蝦肉質爽，仲有好多膏添。長腳蟹肉質鮮嫩juicy，有海水味得嚟唔太鹹，我覺得仲好食過龍蝦。生蠔係美國蠔，中size，鮮甜新鮮唔腥。刺身方面，紅蝦好大隻，好鮮味。三文魚就好肥美。其他刺身仲有赤貝、油甘魚、八爪魚美中不足係我食果晚冇吞拿魚。餐前小食好精緻，細細件，一口一粒餸酒飲幾好。仲有煙三文魚都好高質，煙燻味幾香，唔會好鹹，肉質黏黏有彈性唔會又霉又嚡。嚟到我最愛嘅和牛啦，鐵板佐賀和牛薄燒、火焰和牛壽司同埋超級正。薄燒和牛即場燒熱，油脂豐腴，中間捲着蔥花同埋炸蒜片，好惹味。火炙和牛壽司經過火炙有特別嘅香味，加上少少蔥花蟹籽，嗰浸牛油脂香味超級正，我覺得夾埋飯一齊食少咗油膩感，可以食多幾件。仲有啲熱食都好吸引，例如片皮鴨同埋北海道白華豚壽喜燒。片皮鴨已經包好晒一卷卷，裏面仲查埋醬汁，啱晒我呢啲懶人。呢度嘅甜品選擇多多，cake有好多款，仲有細細件嘅甜品仔，refill仲會出唔同款添，甜品控嚟到都唔會失望。嚟到呢度必食朱古力心太軟，朱古力醬
龍蝦肉質爽，仲有好多膏添。長腳蟹肉質鮮嫩juicy，有海水味得嚟唔太鹹，我覺得仲好食過龍蝦。
生蠔係美國蠔，中size，鮮甜新鮮唔腥。
刺身方面，紅蝦好大隻，好鮮味。三文魚就好肥美。其他刺身仲有赤貝、油甘魚、八爪魚美中不足係我食果晚冇吞拿魚。
餐前小食好精緻，細細件，一口一粒餸酒飲幾好。仲有煙三文魚都好高質，煙燻味幾香，唔會好鹹，肉質黏黏有彈性唔會又霉又嚡。
嚟到我最愛嘅和牛啦，鐵板佐賀和牛薄燒、火焰和牛壽司同埋超級正。薄燒和牛即場燒熱，油脂豐腴，中間捲着蔥花同埋炸蒜片，好惹味。火炙和牛壽司經過火炙有特別嘅香味，加上少少蔥花蟹籽，嗰浸牛油脂香味超級正，我覺得夾埋飯一齊食少咗油膩感，可以食多幾件。
仲有啲熱食都好吸引，例如片皮鴨同埋北海道白華豚壽喜燒。片皮鴨已經包好晒一卷卷，裏面仲查埋醬汁，啱晒我呢啲懶人。
呢度嘅甜品選擇多多，cake有好多款，仲有細細件嘅甜品仔，refill仲會出唔同款添，甜品控嚟到都唔會失望。嚟到呢度必食朱古力心太軟，朱古力醬超級流心，一切開湧出來，好香濃。當然仲有Häagen-Dazs同埋Movenpick 雪糕任食，其實我已經飽到一個點，但係都忍唔住食咗兩球。
張貼
