老媽拌麵 (奧海城三期)

營業中

休息中

呢間連鎖店分店唔少，成日都見到人流唔少；呢日夜晚見唔洗等位，又一直未試過，一於入去試下，職員安排坐卡位都幾闊落。點知原來係惡夢既開始，呢一餐絕對係我呢一年食過最難食既劣食！🐷金華火腿干貝花雕雞湯麵 $88呢個麵一黎到我覺得賣相麻麻，望落去唔多吸引。飲一啖湯，有少少花雕酒味，另外就係咸味，個湯超咸。另外雞好重雪味，而且好鞋。麵底揀左關廟刀削麵，呢個麵又係奇差，個麵煮到好腍，一夾起就斷甘半，一放落口唔洗咬都融，無牙都食到👎🏻👎🏻👎🏻👎🏻👎🏻🐷清燉半筋半肉牛肉麵 $78呢個牛肉麵上檯賣相幾好，有牛腱同牛筋，麵底揀左幼麵。清湯飲落口係極咸，我即刻倒左一杯水落去碗麵，加左水就還好。蘿蔔唔腍唔入味，咬落有筋。牛筋同牛腱普通；唯一要讚既係幼麵麵底唔錯，如果湯頭好既呢個麵餅應該會幾好食，但可惜湯頭真係好差,同埋呢餐食完好口渴，即係味精極多👎🏻👎🏻👎🏻 🐷老媽黑糖珍珠鮮奶茶 $36呢杯係全餐最好既餐點，奶茶唔會話好甜，當然唔好期望佢會好濃茶味；珍珠偏甜但都算有咬口；普普通通一杯台式珍珠奶茶，$36蚊再加一就真係好貴，完全唔值。