老媽拌麵 (奧海城三期)

突然想食台灣菜 原來奧海城有間”老媽伴麵” 餐廳係用Qrcode落單既環境唔錯 幾舒服好小台灣菜餐廳有牛柳嗌😳叫左個牛頭沙茶·薄牛柳(配什菜地瓜條) $86食物方面肉太過熟 配菜d瓜唔熟既店員服務態度麻麻 問佢有冇水 佢話唔記得餐廳係大商場嚟講有d失望…查看更多

平日夜晚7:30黎到，都真係幾靜，得三分一檯坐左客人🫣環境幾啱打卡或者一班人去，見到後面有對情侶帶埋隻狗嚟，係Pet friendly嘅餐廳👍👅西紅柿慢煮牛肋條拌麵牛肋條幾入味，脂肪適中肉質夠腍，都有三四條👍雖然知道台灣預先包裝嘅拌麵面質都係比較薄，嚟到實體店食嘅都係同我預期一樣😅如果可以厚啲煙靭啲就好啦！😂（咁薄太多水會搞到個面浸腍咗同埋啲湯汁稀咗唔好食，太少水又撈唔到個麵🙈）👅👅草莓花生雪糕吐司實物同圖片個樣都有九成九相似🫶店員拎過嚟嗰陣隔籬嗰台幾個食客係咁望住吸引左佢哋眼球😂吐司夠脆，醬唔會太甜，反而啲生果幾甜👍係我會encore嘅甜品😋環境同服務都唔錯，有機會經過都會為咗個吐司再嚟🤓…查看更多

本來午餐約咗舊同事去食泰國嘢，點知爆場。行過見到有台食店，就試試。平時都有食袋裝麵所以都無叫麵。同埋時日套餐唔係牛肉麵配肉躁，選擇有啲困難⋯⋯最後因太耐無食鹵肉就叫咗手撕雞肉躁飯食。午市幾好，叫套餐會有小食跟，就配在炸雞粒。上菜時炸雞粒同鹵肉係常溫，有少少失望。不過欣賞個炸雞沾住啲腐乳汁好好食。手撕雞嗰麻醬唔太濃，個人口味就喜歡傑少少。另外個洛神花唔太甜幾好飲，整體上個腐乳同洛神花茶還會唔少分數。…查看更多

記得好耐之前食過都唔錯，所以今次經過都去試下，但係就有啲失望。😪兩個人叫咗一個手撕雞麵，一個蟹黃拌麵。手撕雞麵份量正常，整體味道質感不過不失，普普通通。 蟹黃拌麵，份量真係少得離譜，平時我食量已經細，但係今次食完都係得個五成飽。🥹所以如果你係想食得飽嘅話，我就建議千祈唔好揀蟹黃拌麵啦。兩個人加埋大約200頭，呢個價錢喺香港唔算貴，但係食完之後仲要食其他嘢填飽個肚，咁就有少少搞笑啦。當時舖頭冇咩其他客人，店員有唔少，貌似店員並未有well trained, 當我哋叫起甜品嘅時候，全部店員都好似唔記得咗我哋有叫甜品，上甜品又上錯咗。🥶 除非有好特別嘅新菜式，否則短期內應該都唔會知第二次啦。 🥲…查看更多

以前經常去旺角The Forest分店，性價比高，可惜不久前結業。今次來大角嘴分店，點知水準差好遠，番茄蛋拌麵的雞蛋超級老，也沒有足夠的番茄醬汁搭配麵條，連招牌的刀削麵也煮到過軟沒口感。唯一正常的就是服務態度。…查看更多