家賀屋刺身寿司專門店

與同事加班趕完project後，係公司附近嘅居酒屋食返餐好嘅～我哋點咗：✨炸三文魚皮$38炸得十分香脆好味，脆到好似薯片咁脆卜卜。再飲一啖口感清新嘅🍹白桃烏龍梳打酒$45，真係一流😋。刺身盛：🐟三文魚腩刺身$72，🌊山葵柚子漬水母刺身$98，🐠真鯛薄造 （15片）$228，🥢北海道海膽$198好豐感的刺身拼盤，刺身新鮮，甜度亦足；厚身嘅水母刺身好爽脆，配以旁邊綠色的山葵柚子醬，好有風味。我最鍾意當然係海膽，份量仲有咁多🤭，一上枱，我已經對它心心眼😍，海膽味道濃厚甘甜，加埋可愛嘅小圓型飯團用紫菜包著食，每一啖都感覺幸福。🍱蒲燒山椒鰻魚丼$148 鰻魚內層軟嫩、外層焦香，加上山椒獨特的辛香味，配以軟糯嘅珍珠米飯一齊食，口感豐富，確實係辛勤工作後的回報🤣。