影片
更多
2025-05-24
0 瀏覽
今日同班friend去咗西環石塘咀呢間The Big Bite Flame-Gille 加拿大餐廳敘舊，試咗幾款招牌菜，整體來講都算幾抵食！頭盤凱撒沙律，賣相唔錯，煙肉碎脆卜卜，沙律菜夠爽口，個醬汁撈勻好開胃。芝士漢堡，牛肉夠juicy，配埋濃味芝士，非常好味。吉列炸蝦白汁燴飯，蝦大大隻又彈牙，個白汁creamy得嚟唔膩，撈飯真係無得頂。至尊pizza非常足料，啱啱焗起，外脆內軟，口感一流。HK poutine好有驚喜，肉汁同芝士curd同薯條嘅邪惡組合，食完成個人都熱氣晒！紐西蘭肉眼扒叫咗五成熟，切開仲見到粉紅色，肉質夠淋，但牛味稍嫌唔夠濃。飲品方面，益力多綠茶甜度適中，飲落幾過癮；椰子汁就正常發揮，解膩一流。總結：幾抵食，最啱一班人share，埋單每人兩舊水有找，性價比唔錯！不過下次可能要自備涼茶…😂
頭盤凱撒沙律，賣相唔錯，煙肉碎脆卜卜，沙律菜夠爽口，個醬汁撈勻好開胃。
芝士漢堡，牛肉夠juicy，配埋濃味芝士，非常好味。
吉列炸蝦白汁燴飯，蝦大大隻又彈牙，個白汁creamy得嚟唔膩，撈飯真係無得頂。
至尊pizza非常足料，啱啱焗起，外脆內軟，口感一流。
HK poutine好有驚喜，肉汁同芝士curd同薯條嘅邪惡組合，食完成個人都熱氣晒！
紐西蘭肉眼扒叫咗五成熟，切開仲見到粉紅色，肉質夠淋，但牛味稍嫌唔夠濃。
飲品方面，益力多綠茶甜度適中，飲落幾過癮；椰子汁就正常發揮，解膩一流。
總結：幾抵食，最啱一班人share，埋單每人兩舊水有找，性價比唔錯！不過下次可能要自備涼茶…😂
張貼
