農

營業中

休息中

秋高氣爽，趁放假同女朋友兩個搵嘢做，梗係去踩單車做吓運動，由大圍出發去大埔，中間經科學園見肚餓，平時唔講唔覺其實科學園都有唔少好嘢食。見到呢間餐廳網絡唔錯，個名有一個自己特別，即管試吓，又有做個二人餐啱晒我哋。先講結論，係值得食嘅，以後再經過都考慮會再食。個餐幾抵食，有好多度餸，睇相就知，個乳鴿燒得唔錯，要特別講下個火雲叉燒，算係偏肥啲啲，但係啱晒咁樣先有個香味，配埋佢個荷葉飯，仲有避風塘軟殼蟹，其實真係好滿足，仲有個氣鍋雞跟埋個湯調劑返。另外個田園盆栽係食得㗎，係食得㗎，係食得㗎，真係要重複講先知道，令到成件事唔會咁悶。最尾仲有個熊仔芝士蛋糕，啱晒女仔打卡餐廳上菜速度都幾快，坐位舒服，推薦大家再嚟，情侶或者一班人或者屋企都OK。