影片
更多
2025-03-10
0 瀏覽
🍽️ 晚餐 @ 燒烤堂同朋友想食日本嘢，但又想試多啲唔同款式嘅菜式，所以就嚟咗「燒烤堂」。每份都係細細份，可以試到好多款食物，好適合一班人分享！₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🦪 蒜香牛油煮蜆蜆嘅味道好鮮甜，蒜蓉牛油香氣十足，配埋脆脆地嘅蒜蓉包，好夾！作為開胃菜好唔錯。₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🥩 鹽燒宮崎A4和牛和牛嘅味道好突出，鹽燒調味啱啱好，冇蓋過牛嘅鮮味。咬落彈牙嫩滑，肉汁豐富，係高質和牛應有嘅水準！₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🍎 焦糖青蘋果鵝肝多士鵝肝好厚身，外脆內軟，入口好Fatty同Juicy。青蘋果同多士中和咗鵝肝嘅油膩感，配搭得好巧妙，係一道令人回味嘅菜式。₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🍳 焦糖鰻魚芝士玉子燒玉子燒表面焦糖脆脆地，入面嘅鰻魚入口即溶，芝士味濃郁，整體口感豐富，係一道有驚喜嘅菜式！₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🍆 蒜蓉茄子我哋以為一份係一小截茄子，點知每份係成條茄子切開一半攤開，結果叫
同朋友想食日本嘢，但又想試多啲唔同款式嘅菜式，所以就嚟咗「燒烤堂」。每份都係細細份，可以試到好多款食物，好適合一班人分享！
₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊
🦪 蒜香牛油煮蜆
蜆嘅味道好鮮甜，蒜蓉牛油香氣十足，配埋脆脆地嘅蒜蓉包，好夾！作為開胃菜好唔錯。
₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊
🥩 鹽燒宮崎A4和牛
和牛嘅味道好突出，鹽燒調味啱啱好，冇蓋過牛嘅鮮味。咬落彈牙嫩滑，肉汁豐富，係高質和牛應有嘅水準！
₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊
🍎 焦糖青蘋果鵝肝多士
鵝肝好厚身，外脆內軟，入口好Fatty同Juicy。青蘋果同多士中和咗鵝肝嘅油膩感，配搭得好巧妙，係一道令人回味嘅菜式。
₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊
🍳 焦糖鰻魚芝士玉子燒
玉子燒表面焦糖脆脆地，入面嘅鰻魚入口即溶，芝士味濃郁，整體口感豐富，係一道有驚喜嘅菜式！
₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊
🍆 蒜蓉茄子
我哋以為一份係一小截茄子，點知每份係成條茄子切開一半攤開，結果叫咗三份，份量多到嚇親大家哈哈！茄子燒得好腍，蒜蓉味好濃，帶少少四川麻辣風味，好香口，鍾意重口味嘅朋友一定會鍾意。
₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊
🍗 古早味燒三黃雞全翼
雞翼燒得幾靚，雞皮香脆，但雞肉有少少嚡，味道中規中矩，唔算特別出色。
₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊
🐷 豚肉節瓜波板糖
呢道菜好有創意！將豚肉同節瓜切成一條條，梅花間竹咁捲成一層層，食嘅時候可以同時食到豚肉嘅香同節瓜嘅清爽。加埋生蛋黃豉油醬汁，甜甜地鹹鹹地，口感同味道都好豐富。
₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊
🌟 今餐試咗好多款菜式，整體質素唔錯，尤其係焦糖青蘋果鵝肝多士、焦糖鰻魚芝士玉子燒同豚肉節瓜波板糖，創意同味道都令人印象深刻。唯一美中不足嘅係餐廳環境比較熱鬧，有少少嘈，坐對面講嘢要越講越大聲先聽到。不過如果想試多款特色菜式，呢間絕對係個好選擇！下次會再嚟試吓其他菜～
張貼
