三原 (Cubus)

營業中

休息中

今日係特別日子，所以食一餐豪嘅「三原鐵板燒」喇！呢度嘅「Omakase」真係好精緻，每一道菜都巧巧食～我要提返呢度嘅香煎北海道帶子。佢啲質感剛剛好，唔會有急凍貨感，而且香煎到金黃色嘅外皮真係好香脆，令人難以抗拒。加埋啲新鮮嘅帶子味，真係令人回味～接住係波士頓龍蝦配龍蝦汁，龍蝦係活龍蝦肉質鮮嫩，配上濃郁嘅龍蝦汁，味道更加鮮甜，令成道菜更加出色。另外，香煎鮑魚亦係一道令我震驚。鮑魚煎之前係檯上不斷郁，好生猛！廚師煎得恰到好處，外邊少少金黃，內裡鮮嫩，每一啖都帶嚟嘅鮮鮑味。然後，就係我最愛嘅香煎鵝肝。鵝肝煎得剛剛好，表面金黃酥脆，內裡仲保持住嗰份濃郁嘅鵝肝味道。啲鵝肝好濃郁～最新奇係香煎脆甘鯛，佢嘅外皮煎得好脆，魚肉鮮嫩多汁。每一口食落去都係好脆，好難形容！最後，我試咗和牛野菜壽喜燒同櫻花蝦炒飯。和牛肉質鮮嫩，配上蔬菜同那啲豐富嘅調味汁，真係好好食！而櫻花蝦炒飯嘅香氣同口感都好出色，只係太飽食唔曬，要打包帶走。