影片
更多
2023-11-21
13 瀏覽
[ 重房 Shigefusa ]最近朋友介紹銅鑼灣利園商場附近新開張日式餐廳🇯🇵，主打刺身壽司🍣Omakase廚師發辦，晚市仲會每位客人送日本清酒🍶。✿ 霞Kasumi $1580/位呢款晚市Omakase套餐有十多品料理，有前菜、時令刺身、手握壽司、和食煮物、湯麵/烏冬/泡飯、甜品。此外仲會每人送125ml日本清酒🍶「東洋美人 地帆紅 限定大吟釀」，入口濃郁果香味，順滑無苦澀感。前菜🥗有兩款。第一款係無花果配紫蘇花，另一款係蟹肉水雲(海髮菜)，配酸汁好開胃。時令刺身🐟1.白子即鱈魚魚精🫢，師傅用滾水輕輕一灼，再配蘿蔔蓉及酸汁，白子口感creamy無腥味。2.深海池魚 師傅以炭網🕸微燒魚肉再加木魚花，魚肉煙燻味道更出，肉質鮮嫩肥美，油脂感重。3.秋刀魚秋天係秋刀魚最肥美嘅時候😍。秋刀魚大條厚肉，配薑蔥醬油，魚肉鮮甜肥美無腥味。4.帶子天婦羅帶子炸至半熟，內裡鮮嫩多汁，外皮薄薄酥脆，灑上櫻花蝦粉後以超脆紫菜裹住。和食煮物🍲1.自家製磯煮鮑魚 原隻鮑魚以濃郁醬汁慢煮，鮑魚煮得好入味，肉質彈牙。鮑魚肝醬夠鮮味唔會甘口。2.燒吞拿魚下巴第一次食呢個部位，有驚喜👍！吞拿魚下巴燒得香脆，肉質油潤香
最近朋友介紹銅鑼灣利園商場附近新開張日式餐廳🇯🇵，主打刺身壽司🍣Omakase廚師發辦，晚市仲會每位客人送日本清酒🍶。
✿ 霞Kasumi $1580/位
呢款晚市Omakase套餐有十多品料理，有前菜、時令刺身、手握壽司、和食煮物、湯麵/烏冬/泡飯、甜品。
此外仲會每人送125ml日本清酒🍶「東洋美人 地帆紅 限定大吟釀」，入口濃郁果香味，順滑無苦澀感。
前菜🥗
有兩款。第一款係無花果配紫蘇花，另一款係蟹肉水雲(海髮菜)，配酸汁好開胃。
時令刺身🐟
1.白子
即鱈魚魚精🫢，師傅用滾水輕輕一灼，再配蘿蔔蓉及酸汁，白子口感creamy無腥味。
2.深海池魚
師傅以炭網🕸微燒魚肉再加木魚花，魚肉煙燻味道更出，肉質鮮嫩肥美，油脂感重。
3.秋刀魚
秋天係秋刀魚最肥美嘅時候😍。秋刀魚大條厚肉，配薑蔥醬油，魚肉鮮甜肥美無腥味。
4.帶子
天婦羅帶子炸至半熟，內裡鮮嫩多汁，外皮薄薄酥脆，灑上櫻花蝦粉後以超脆紫菜裹住。
和食煮物🍲
1.自家製磯煮鮑魚
原隻鮑魚以濃郁醬汁慢煮，鮑魚煮得好入味，肉質彈牙。鮑魚肝醬夠鮮味唔會甘口。
2.燒吞拿魚下巴
第一次食呢個部位，有驚喜👍！吞拿魚下巴燒得香脆，肉質油潤香嫩，魚皮脆卜卜。
手握壽司🍣
1.梭子魚
魚肉油分較少，但魚皮油脂豐富，師傅將魚皮炙燒後逼出魚油，相當香口。
2.鰤魚
魚肉表面以蘋果木🪵煙燻，配埋北海道三升漬麵豉醬，有微辣醬油香味，調味好夾。
3.厚切大拖羅
師傅先將一片大拖羅炙燒，再連同另一片大拖羅刺身以炸紫菜裹住，口感層次豐富。
4.醋鯖魚
鯖魚刺身以江戶前傳統方式用醋進行醃製，魚肉上面放上白昆布，魚肉無腥味。
5.鮟鱇魚肝
師傅加蘿蔔漬慢煮一日，口感更加滑嫩細滑，入口即化。
6.北海道赤海膽
海膽味道濃郁甘香，非常鮮甜，入口即溶。
湯麵/烏冬/泡飯 🍜
「魚湯烏冬」湯底無落味精，有超香濃魚味，烏冬幼身爽滑。
甜品🍰
藍莓🫐千層蛋糕，整得夠薄身，甜度適中。
總結🫦
餐廳大部份刺身選用日本時令海產食材，用料新鮮，款式調味及配搭都好啱口味。
埋單時店員送咗張vip卡(9折優惠)，可以share用，大家去食飯show返呢個post張相就可以拎去用😃。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
重房 Shigefusa
地址：銅鑼灣開平道1號Cubus 25樓
電話：5281 1212
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
