割烹 櫓杏 (iSQUARE國際廣場)

營業中

休息中

今晚同男友去尖沙咀割烹櫓杏賀佢生日🎂，間舖頭係典型嘅日式木系裝潢，燈光偏暗得嚟幾舒服，坐喺吧枱可以睇住師傅即場處理食材，幾有氣氛㗎！🍶天草大王雞肝同雞心刺身 ⭐️⭐️⭐️⭐️  雞肝滑到好似慕絲咁，濃濃嘅肝香但一啲都唔腥，雞心就爽脆有咬口，配埋酸汁蘿蔔蓉，食落好清新！驚喜位係完全冇內臟嘅怪味，夠晒新鮮🐔。海鮮太卷（加配雲丹、三文魚籽）⭐️⭐️⭐️⭐️⭐️  爆餸嘅太卷！🍣 吞拿魚蓉、海膽、三文魚籽堆到滿瀉，海膽嘅甜味喺口腔爆炸💥，三文魚籽鹹鮮提味，紫菜仲係脆卜卜，一啖咬落去大滿足，加錢配海膽真係值！冷製青椒伴肉味噌 ⭐️⭐️⭐️  青椒仔冰涼爽脆，完全冇草青味，點埋濃郁嘅肉碎味噌醬，鹹香帶微甜，好開胃！不過味噌略鹹，配酒就啱啱好🍺。燒牛舌扒⭐️⭐️⭐️⭐  厚切牛舌燒到外層焦香🔥，咬落彈牙又多汁，簡單灑咗少少鹽同黑椒，已經帶出肉嘅原味，男友勁鍾意話似食緊和牛咁軟嫩👌。刺身八種 ⭐️⭐️⭐️⭐️✨  擺盤靚到唔捨得食！🐟 拖羅油潤入口即化，赤貝爽甜，鯖魚用咗醋漬辟腥仲有煙熏香，最正係野生油甘魚，魚油甘香到漏～ 全部厚切夠冰凍，鮮度💯！汁燒免治雞肉⭐️⭐️⭐️✨  雞肉棒外皮燒到脆脆地，咬開有軟骨粒"索索"聲🍢，蘸埋蛋黃汁更滑溜，甜