影片
更多
2016-04-25
2701 瀏覽
約左個朋友兩個人吹下水，又想留係觀塘線喎，就揀左德福間牛角。個朋友早到去左攞位先，我隔左10分鐘就到啦，一到就咁岩叫到我地入得，而家門口一個客都無，唔通星期三無咩生意？🤔入到去就用平板電腦點餐，點完直接入總機，好方便喎，我最怕有人係隔離吹我點單又或者佢落錯單。😅就係我個朋友點緊果陣，我望到有promotion citibank信用卡做7折囉！！！！！What?!我朝早先用完張citibank卡然後放低左無帶出黎。😭言歸正傳，因為我想食牛，所以就叫左大部分牛既選擇，咩都試下咁。首先，叫左個燒肉盛合先，分別有5種肉，腹胸肉，牛角上級牛肋肉，豬頸肉，牛舌，同埋雞腿肉。其實我麻麻地燒雞肉，因為好難控制時間，今次都唔例外，食左一舊耐過龍太鞋，一舊唔夠熟；至於豬頸肉，我都覺得麻麻，無咩豬頸肉獨特油香味，可能比我燒走晒，食落好似瘦肉，不過牛角主打牛既，3種牛我最鐘意腹胸肉，貪佢林林地唔識咬好耐，脂肪分布平均夠晒香；其實牛角上級牛肋肉同牛舌都唔錯，前者好夠味，只係切得太薄所以我鐘意腹胸肉多D，牛舌其實好好食，不過我燒得太耐要好用力咬另外我地仲叫多左份牛舌同牛肋肉，因為份量唔多唔夠食，朋友仲叫左個牛角飯
入到去就用平板電腦點餐，點完直接入總機，好方便喎，我最怕有人係隔離吹我點單又或者佢落錯單。😅就係我個朋友點緊果陣，我望到有promotion citibank信用卡做7折囉！！！！！
What?!我朝早先用完張citibank卡然後放低左無帶出黎。😭
言歸正傳，因為我想食牛，所以就叫左大部分牛既選擇，咩都試下咁。
首先，叫左個燒肉盛合先，分別有5種肉，腹胸肉，牛角上級牛肋肉，豬頸肉，牛舌，同埋雞腿肉。
其實我麻麻地燒雞肉，因為好難控制時間，今次都唔例外，食左一舊耐過龍太鞋，一舊唔夠熟；至於豬頸肉，我都覺得麻麻，無咩豬頸肉獨特油香味，可能比我燒走晒，食落好似瘦肉，不過牛角主打牛既，3種牛我最鐘意腹胸肉，貪佢林林地唔識咬好耐，脂肪分布平均夠晒香；其實牛角上級牛肋肉同牛舌都唔錯，前者好夠味，只係切得太薄所以我鐘意腹胸肉多D，牛舌其實好好食，不過我燒得太耐要好用力咬
另外我地仲叫多左份牛舌同牛肋肉，因為份量唔多唔夠食，朋友仲叫左個牛角飯墊底，個牛角飯就係飯上面鋪左層紫菜，咁就貴$14
另外叫左牛油金菇同雞脾菇，無咩特別，牛油金菇係連錫紙盒一齊燒。
題外話，其實一直以來我都有個謎思，好似呢d燒肉或者shabushabu都有幫d牛分等級分價錢，但我真係食唔出有咩分別，我一度以為我係試味無咩天份，直到我去神戶試左同一間店唔同既牛，人地係真係令你感覺到個等級既差異架，只係係香港就無咩參考價值。
張貼