牛角日本燒肉專門店 (德福廣場2期)

牛角新出左超破格值燒肉定食，重可享無限追加牛角飯及指定飲品，套餐價錢由$158起咋仲有超抵追加: $3 / $6 / $9 / $15 就可以追加單點項目！牛板腱、牛頸脊、牛五花、王樣!虎蝦、燒鰻魚等多款燒肉單品，今晚就黎試吓有幾抵先套餐A :極旨黒毛和牛＆日本國産牛定食花虎蝦、塩味北海道帆立貝、北海道豚梅肉、日本雞爽肉、日本國産牛肩脊肉、極上黑毛和牛西冷🐮虎蝦 & 帆立貝都好新鮮甜美！國産牛肩脊肉味道濃郁～極上黑毛和牛西冷相當邪惡又肥美追加:牛油廣島蠔（2件）日本廣島蠔好juicy又鮮味追加:塩味牛油帶子（4件）帶子細細粒，放喺錫紙兜同塩味牛油一齊煮，正呀追加:牛油金菇金菇配牛油，美味絕佳配搭追加:雞腿肉（2件)無骨雞腿肉好嫩滑呢飲品有汽水、梳打水、蘋果汁、橙汁、烏龍茶、柚子蜜、茉莉花茶都係任叫架套餐H: 滿腹豚3品燒肉定食包括3款豚肉：北海道豚梅肉、豬頸肉、豚肉燒🐷豬頸肉好肥美，燒到肥油出晒嚟～豚肉片及豚梅肉肥瘦層層相隔，肉質香軟📍牛角日本燒肉專門店 (九龍灣) …查看更多

每個月都要嚟牛角涮返轉勁嘅😋今次揀咗九龍灣分店，一收工就有得食🤣而家牛角晚市都有燒肉定食，仲要好抵玩🤩咁我哋就緊係唔會放過喇！嗌定食餐，首先有兩樣嘢要講吓✌🏼第一就係燒肉必配嘅牛角飯係任食㗎🍚呢個一定係飯桶們嘅福音，只要食得晒都可以隨便嗌😆第二就係指定飲品都係任飲🥤汽水、果汁、茶都包括在內🧃淨係呢兩點都已經夠晒吸引🫢𝄢..🎬 極旨黑毛和牛&日本國產牛定食極上黑毛和牛西冷｜日本國產牛肩脊肉｜日本雞爽肉｜北海道豚梅肉｜花虎蝦｜塩味北海道帆立貝🎬 滿腹豚3品燒肉定食北海道豚梅肉｜豬頸肉｜豚肉燒唔同嘅定食都有唔同嘅配搭，個人喜好因人而異😆我哋就揀咗呢兩個定食餐有齊牛、豬、雞、海鮮🦐質素同平時食嘅係一樣㗎👍🏼驚唔夠食又或者想encore多少少，就可以以優惠價$3、$6、$9、$15追加指定食物😍每個價錢都追加咗一款，但都真係飽到上心口🤰🏻咁搞法每個月應該唔止食一次牛角喇🤭▫️以上食評為個人口味，只供參考▪️؄🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 ➤ 9️⃣✿…查看更多

最近推出咗「超破格值燒肉定食」，有新嘢，一定要嚟食下啦！$158起，包括是日前菜、沙律、昆布湯，無限追加牛角飯＋指定飲品，講真，真係抵食㗎。$3 / $6 / $9 / $15 就可以追加單點項目是日前菜係帶子裙邊、沙律菜配麻醬、昆布湯B: 定番日本國產牛、豚、雞4品燒肉定食 $258F: 特選牛2品燒肉定食 $178兩個定食都好豐富，肉的份量好多，肉質一如既往咁靚，燒起嚟香氣撲鼻燒肉配牛角飯真係絕配😍當中最好味一定係日本國產牛，油脂分布均勻，入口即化，真係好好味$3追加牛油金菇、猪頸肉，$6追加雞腿肉、雞肉漢堡扒$9追加牛油廣島蠔、牛板腱$15就可以追加一杯Sapporo生啤🍺真係超抵，重點係質素一樣咁好！食到超飽，好似食放題咁😂無限追加飲品包括汽水、梳打水、蘋果汁、橙汁、烏龍茶、柚子蜜、茉莉花茶。…查看更多

各位食肉獸注意！牛角最新推出「超破格值燒肉定食」（$158起），癲到連我呢個燒肉老手都忍唔住衝去九龍灣德福試水溫 — 結果？抵食到要即刻share！先講「定番4品燒肉定食」（$228），擺盤靚到相機食先：日本雞爽肉嫩滑到識發光，豚肉燒油脂香平衡，牛頸脊雪花靚到犯規，最正係日本國產牛肩脊，輕輕燒到粉紅色入口即化，肉汁爆炸級數！一個定食已經有齊雞牛豬，選擇困難症都唔怕！如果獨孤一味鍾情牛，特選牛2品定食（$178）絕對係心水選擇：牛五花油脂甘香，牛舌爽脆唔韌，簡單蘸燒肉汁已經無得輸！定食跟餐有埋昆布湯、前菜同沙律，仲可以無限追加牛角飯同指定飲品，飽到捧住個肚走～追加項目先係戲玉：泡菜（+$3）酸辣醒神，菠蘿（+$6）燒到焦糖化超解膩，日本新潟雞腎（+$6）爽脆彈牙～ 海鮮控必點牛油廣島蠔（+$9）同塩味牛油帶子（+$9），牛油香逼到入心，王樣虎蝦（+$15）大隻到要分兩啖咬，燒鰻魚（+$15）外脆內軟，追加價平過單點幾條街！牛角今次定食策略絕對係良心之作，$200樓下食到日本國產牛質素，追加項目價錢又進取過便利店，以後九龍灣返工唔使頭痕諗lunch啦！…查看更多

牛角燒肉部份分店出左個超破格值燒肉定食，德福廣場就係其中一間。定食包括是日前菜、沙律同埋昆布湯，仲可以免費無限追加牛角飯同飲品，都幾多選擇，有汽水、梳打水、蘋果汁、橙汁、烏龍茶、柚子蜜、茉莉花茶。而且仲可以用好優惠嘅價錢追加食物，例如加$3有兩片豬頸肉、加$6有兩片牛舌、加$9有兩片牛板腱。我哋就叫咗一個B餐定番日本國產牛、豚、雞四品燒肉定食，一個C餐燒肉&海之幸定食。………………………………………………B餐：定番日本國產牛、豚、雞四品燒肉定食 ⭐️⭐️⭐️⭐️⭐️有四款肉類，包括日本國產牛肩脊肉、牛頸脊、豚肉燒、日本雞爽肉。國產牛肩隻肉肉味濃郁，豚肉燒肥美香口。牛頸脊同雞爽肉就正正常常啦。C餐：燒肉&海之幸定食 ⭐️⭐️⭐️⭐️⭐️有五款食物，包括牛頸脊、牛五花、北海道豚梅肉、牛油廣島蠔、花虎蝦。北海道豚梅肉幾肥美，廣島蠔同埋虎蝦雖然係冰鮮貨，但係品質係唔錯嘅。牛五花就類似豬嘅五花肉，睇到明顯一層瘦肉一層肥肉。是日前菜、昆布湯、沙律⭐️⭐️⭐️是日前菜係中華沙律，同昆布湯、沙律一樣味道普通。鹽味北海道帆立貝⭐️⭐️⭐️⭐️另外都有用優惠價追加咗一啲牛頸脊啊豬頸肉啊等等。比較推薦嘅就係牛頸脊同埋鹽味北海道帆立貝。牛角飯 ⭐️⭐️⭐️⭐️正常發揮咁好食。牛角提供多款醬汁點燒肉，包括鹽醬、牛角燒肉汁、秘製燒肉醬、特製檸檬汁、辛味醬汁。………………………………………………今次牛角推出呢個定食其實真係幾抵食，不過就只有部份分店同埋部份時間供應。但係就成功令到牛角嘅晚市生意好咗。我哋嗰晚平日星期三 7:00pm鬆啲，都等咗大概10分鐘先有枱。…查看更多