影片
更多
2023-09-29
95 瀏覽
適逢臨近中秋節🥮簡左同屋企人去榮哥私房菜食餐好既😆餐廳非常有心思，整左個私房菜單俾客人睇，好隆重其視既感覺。首先係頭盤：本地水耕沙律菜伴芝麻醬、榮哥自家甜酸齋、雙色墨魚仔、茶燻流心蛋伴黑魚子醬配厚切茄子。自家製既甜酸齋好有誠意，麵筋爽口煙韌，食落酸酸甜甜好開胃！沙律🥗菜整得精緻，食落好新鮮，加埋芝麻醬值得一讚👍🏻蕃茄好清甜，勁有驚喜！墨魚仔好彈牙有咬口，一隻沾上辣，一隻原味無辣醬，感覺細心，能夠俾客人試唔同口味。厚切茄子🍆外皮炸過，但內裡軟腍，加埋黑魚子醬食好誘人😍流心蛋整得剛剛好，帶點微微既茶香同煙燻味。原盅燉哈密瓜螺頭黑毛豚肉湯- 螺頭夠滋潤，哈密瓜🍈為湯添上清甜，有濃濃黑毛豚肉香，原盅燉令湯味道更濃郁！原盅燉川見陳皮海底椰鱷魚肉湯- 依個湯超滋補，不但潤肺益氣，仲止咳化痰，飲完即刻覺得好養生😆慢煮海黃花配普寧豆醬伴黑魚子- 店員好窩心教我地食法，話要成舊好似食魚生咁放落口最正！黃花魚肉質鮮嫩，少骨，魚油甘香，普寧醬鹹鮮帶甘香，提升左味道既層次，加埋黑魚子好矜貴✨蝦球水芙蓉- 第一睇望落超吸精，蒸蛋望落金黃色閃令令，食落好嫩滑，加埋大大個鮮甜彈牙既蝦牙，成碟餸好有質素👍🏻蜜椒比利時
適逢臨近中秋節🥮簡左同屋企人去榮哥私房菜食餐好既😆
餐廳非常有心思，整左個私房菜單俾客人睇，好隆重其視既感覺。
首先係頭盤：本地水耕沙律菜伴芝麻醬、榮哥自家甜酸齋、雙色墨魚仔、茶燻流心蛋伴黑魚子醬配厚切茄子。
自家製既甜酸齋好有誠意，麵筋爽口煙韌，食落酸酸甜甜好開胃！沙律🥗菜整得精緻，食落好新鮮，加埋芝麻醬值得一讚👍🏻蕃茄好清甜，勁有驚喜！墨魚仔好彈牙有咬口，一隻沾上辣，一隻原味無辣醬，感覺細心，能夠俾客人試唔同口味。厚切茄子🍆外皮炸過，但內裡軟腍，加埋黑魚子醬食好誘人😍流心蛋整得剛剛好，帶點微微既茶香同煙燻味。
原盅燉哈密瓜螺頭黑毛豚肉湯- 螺頭夠滋潤，哈密瓜🍈為湯添上清甜，有濃濃黑毛豚肉香，原盅燉令湯味道更濃郁！
原盅燉川見陳皮海底椰鱷魚肉湯- 依個湯超滋補，不但潤肺益氣，仲止咳化痰，飲完即刻覺得好養生😆
慢煮海黃花配普寧豆醬伴黑魚子- 店員好窩心教我地食法，話要成舊好似食魚生咁放落口最正！黃花魚肉質鮮嫩，少骨，魚油甘香，普寧醬鹹鮮帶甘香，提升左味道既層次，加埋黑魚子好矜貴✨
蝦球水芙蓉- 第一睇望落超吸精，蒸蛋望落金黃色閃令令，食落好嫩滑，加埋大大個鮮甜彈牙既蝦牙，成碟餸好有質素👍🏻
蜜椒比利時杜洛克 St.Louis橄欖豬肋骨- 擺盤有心思，份量超多，外皮煎得焦香 食落啖啖肉，肉質軟嫩，蜜椒調味甜甜地，愈食愈開胃🤩
招牌茶王燻雞- 皮脆肉嫩，外皮既煙燻香做得相當出色，茶香透進雞皮中，滲出絲絲既芬芳，雞肉保持嫰滑，不愧係招牌！
魚湯有機時令鮮蔬- 魚湯好鮮甜，睇顏色就知好濃郁，加埋新鮮既疏菜，令其鮮上加鮮！😋
他鄉炒米絲(24個月西班牙黑毛豬火腿配福建莆田米粉- 莆田的米粉，以細膩柔滑的口感而聞名，絲滑有嚼勁，一般會用蝦乾、蛤蜊、紫菜等等翻炒，但榮哥就用左24個月既黑毛豬，令米粉增添肉香同橡子果仁香，真係必食！
時令甜品- 唔好以為只係普通一個甜品，入面一粒粒白色紫色望落好似珍珠咁靚，原來大有乾坤，紫色既入面裹著既係紅豆🫘白色雖然唔知入面係咩，但一樣好味，而芋圓煙煙韌韌，好有口感！
個人認為私房菜既餸菜一向都別出心裁，每一道餸菜都非常有心思，而且真係有在家的感覺咁自在，榮哥既店員們都很親切，餸菜上枱時又會講解下，今晚真係食得好盡興，推薦俾各位同屋企人黎食！
張貼
