公和荳品廠

營業中

休息中

今日下午我們去咗深水埗北河街，見到有超多間食店都好吸引之下，我們決定食完一間再食另一間！我們首先揀咗間有多年歷史嘅「公和豆品廠」！我們叫咗煎釀豆腐、炸豆腐卜、豆腐花、凍豆漿同豉油皇炒麵！煎釀豆腐嘅面層煎得好香脆，魚肉雖然比較薄身，但肉質都幾彈牙，豆腐就相當嫩滑！炸豆腐卜炸得超外脆內軟，加埋甜醬同辣醬一齊食，令到味道更加惹味，而且唔會好油膩！豆腐花極之滑溜，豆味非常香濃！凍豆漿喺夏日炎炎之下飲，真係相當透心涼，味道好香甜！豉油皇炒麵係眾多食物之中令我們相當失望，味道淡而無味，麵質亦非常粗「嚡」！