影片
更多
2020-10-26
252 瀏覽
最近秋風起所以特別想打邊爐本人返工響灣仔又食飯時間彈性, 所以都可以捐窿捐罅去搵好野食, 今次就挑戰返工放lunch 時間去食任食火鍋, 對象就係牛大人啦聽朋友講呢間牛大人係非常之難book 位嘅所以我地都未試過, 所以我地就襯佢未開門嘅時候就響門口等...........早左半小時到門口都已經有為數不少嘅食客等待著, 不過幸好本身鋪位夠大所以都能順利入座佢地標誌嘅9種湯底, 因為友人唔食得濃味, 所以就選擇左阿婆養生湯底了銅鑼灣午市只有90分鐘吃到飽套餐, 因為預算有限所以只係選擇138蚊套餐呢個櫃主要係放置丸類, 包括龍蝦沙律, 芝心丸, 海鮮丸, 牛丸,鱈魚丸, 芝士腸, 魚腐etc, 本人試過咁多隻都比一般坊間酒樓嘅任食火鍋高質素, 而且咬起來肥肉不多, 食得多都會有油膩嘅感覺, 而且包心嘅餡料製作誠意, 粒粒味道總有不同另一邊櫃就放置蔬菜雜糧, 例如芋絲, 南瓜, 冬瓜, 蕃茄, 寬粉, 腐竹, 金菇等, 呢個櫃比較少食所以不評論太多佢地有幾排放置飲品嘅雪櫃, 除左平常有嘅例如可樂汽水, 雀巢檸檬茶之外, 算特別就可以數呢d 自製冷泡茶了, 本人試左白桃烏龍, 桂花烏龍同洛神
聽朋友講呢間牛大人係非常之難book 位嘅所以我地都未試過, 所以我地就襯佢未開門嘅時候就響門口等...........早左半小時到門口都已經有為數不少嘅食客等待著, 不過幸好本身鋪位夠大所以都能順利入座
佢地標誌嘅9種湯底, 因為友人唔食得濃味, 所以就選擇左阿婆養生湯底了
銅鑼灣午市只有90分鐘吃到飽套餐, 因為預算有限所以只係選擇138蚊套餐
呢個櫃主要係放置丸類, 包括龍蝦沙律, 芝心丸, 海鮮丸, 牛丸,鱈魚丸, 芝士腸, 魚腐etc, 本人試過咁多隻都比一般坊間酒樓嘅任食火鍋高質素, 而且咬起來肥肉不多, 食得多都會有油膩嘅感覺, 而且包心嘅餡料製作誠意, 粒粒味道總有不同
另一邊櫃就放置蔬菜雜糧, 例如芋絲, 南瓜, 冬瓜, 蕃茄, 寬粉, 腐竹, 金菇等, 呢個櫃比較少食所以不評論太多
佢地有幾排放置飲品嘅雪櫃, 除左平常有嘅例如可樂汽水, 雀巢檸檬茶之外, 算特別就可以數呢d 自製冷泡茶了, 本人試左白桃烏龍, 桂花烏龍同洛神花茶, 質數都非常唔錯, 同平常茶坊飲嘅質素不會差得遠, 白桃烏龍少甜比較岩打邊爐呢類濃味嘅飲食活動, 都鼓勵大家可以試下
除左上面兩個櫃以外嘅食材都需要用qr code 電話落單, 例如牛肉, 豬肉, 魚滑蝦滑, 餃類, 鴨血等等, 落單之後多數都10分鐘內送到, 而且足量唔漏單, 所以非常滿意, 唔洗畫咁多張紙
每張檯都有個大碗裝食材, 不過如果多人嘅檯就可能麻煩要走多兩轉了
個湯鍋非常之大, 而且有濃濃藥材味, 聞起來有d 似肉骨茶嘅甘甜味, 不過可能因為銅鍋關係, 要湯底沸騰需要少少時間
呢四支分別係旗魚漿, 海鮮漿, 花枝漿同牛肉漿, 呢度對食材嘅手工處理非常用心, 因為呢d 漿煮起來口感非常結實彈牙, 而且味道很足, 以牛肉漿為例, 比起佢地嘅牛丸更加重肉味同埋彈牙, 花枝漿同海鮮漿當然都係水平以上, 就好似平時出去食嘅蝦膠咁, 不過係自己批出黎咁解, 呢個真係要一試再試
138套餐除左雞件以外我地都叫勻哂, 分別係豬肉, 肥牛, 佢地嘅肉解凍處理好好, 脂肪比例唔會多得過份, 唔會有結冰, 血色均勻, 肉嘅質感軟綿, 煮起來又唔會變黑變鞋變硬, 兩樣以任食來講真係非常之好
有少量嘅特色小食提供, 包括鹽酥雞, 香腸, 皮蛋豆腐, 鴨血etc呢份鹽酥雞來嘅時候係新鮮炸起, 炸衣非常之薄, 雞肉鮮嫩多汁, 只係可惜辣粉唔夠, 不過淮鹽落得夠, 非常熱氣又非常好食我覺得比出面特登買嘅炸雞塊更好味
最後138加1, 2位埋單304蚊, 以午餐來講, 貴, 但以任食90分鐘火鍋來講, 物超所值, 我要買差不多質素嘅肥牛, 零售價都要過百, 所以呢餐係抵嘅👍🏻👍🏻👍🏻👍🏻
張貼
