影片
更多
2024-09-18
1351 瀏覽
閨蜜生日，當然要同佢食一餐好既， 見網上好多人都推介呢間入門級fine dining，今日一於一試，果然性價比高，成個體驗幾滿意。01 Welcome Drink：接骨木花薑啤湯力泡沫姜啤係無酒精的，成杯野飲好清新，好refreshing ，感覺就係清新左你既口腔同味蕾，等你預備好品嚐接下來嘅每一道食物。02 Trio Starter 共三品：店員細心介紹，需要由味道較淡既開始食起， 由浅入深，慢慢品嚐。阿根廷紅蝦桂花青瓜果凍伴黑魚子好精緻，好似一件藝術品咁，桂花青瓜好神奇地將阿根廷紅蝦嘅鮮味提鮮，黑魚子就起咗畫龍點睛嘅作用，令人回味。青檸柚子松葉蟹肉水晶脆殼松葉蟹肉好鮮甜， 青檸柚子一啲都唔酸反而好香，配上用風乾嘅葛粉製成嘅水晶脆殼， 成個口感好特別，既有咬口又鬆化。伏特加西瓜.刁草忌廉發達芝士.竹炭芝士脆片一入口係濃裂既伏特加酒精味，但一啲都唔嗆口， 隨之而黎係咬開西瓜鮮甜嘅果汁， 配上刁草忌廉發達芝士嘅奶油香氣，配上竹炭芝士脆片， 成個口感味道好特別， 有多重層次，但又出奇地非常夾。03 Soup：椰香烤紅菜頭濃湯 ＆ 是日餐湯（ 蘑菇湯）店員會好有儀式感咁喺你面前倒上餐湯同加上
197 瀏覽
0 讚好
0 留言
01 Welcome Drink：
接骨木花薑啤湯力泡沫
姜啤係無酒精的，成杯野飲好清新，好refreshing ，感覺就係清新左你既口腔同味蕾，等你預備好品嚐接下來嘅每一道食物。
105 瀏覽
0 讚好
0 留言
67 瀏覽
0 讚好
0 留言
02 Trio Starter 共三品：
店員細心介紹，需要由味道較淡既開始食起， 由浅入深，慢慢品嚐。
阿根廷紅蝦桂花青瓜果凍伴黑魚子
好精緻，好似一件藝術品咁，桂花青瓜好神奇地將阿根廷紅蝦嘅鮮味提鮮，黑魚子就起咗畫龍點睛嘅作用，令人回味。
青檸柚子松葉蟹肉水晶脆殼
松葉蟹肉好鮮甜， 青檸柚子一啲都唔酸反而好香，配上用風乾嘅葛粉製成嘅水晶脆殼， 成個口感好特別，既有咬口又鬆化。
伏特加西瓜.刁草忌廉發達芝士.竹炭芝士脆片
一入口係濃裂既伏特加酒精味，但一啲都唔嗆口， 隨之而黎係咬開西瓜鮮甜嘅果汁， 配上刁草忌廉發達芝士嘅奶油香氣，配上竹炭芝士脆片， 成個口感味道好特別， 有多重層次，但又出奇地非常夾。
03 Soup：
椰香烤紅菜頭濃湯 ＆ 是日餐湯（ 蘑菇湯）
店員會好有儀式感咁喺你面前倒上餐湯同加上椰漿。紅菜頭味好香， 成個湯酸酸甜甜好開胃； 蘑菇湯好creamy，食得出佢將啲蘑菇打到好碎，所以好濃郁。
04 Main Course：
43 瀏覽
0 讚好
0 留言
30 瀏覽
0 讚好
0 留言
香草芝士烤龍蝦海膽忌廉汁意大利飯
呢個係今餐嘅MVP，真係超超超好食， 龍蝦同海膽嘅份量都超級多，龍蝦肉已經起好， 唔需要自己拆殼，龍蝦啖啖肉好新鮮好Juicy，海膽既份量更係意想不到既多，好甘甜好crramy，一啲都唔腥，加上烤過既脆邊，將海膽既鮮味更加逼出，又增加左口感，成個真係令人欲罷不能，真係好好食。
西班牙杜洛克豬胺扒
豬胺扒好厚身，成cm厚啖啖肉，豬味好濃郁，豬胺扒唔算太稔，個肉汁幾juicy。配菜有西蘭花、蕃茄、及原隻薯仔，西藺花炒得幾好食，但薯仔唔知係用左酸忌廉定乳酪醬，味道較酸，有啲突兀。
10 瀏覽
0 讚好
0 留言
8 瀏覽
0 讚好
0 留言
05 Trio Dessert Platter共三品
甜品就無食用既先後次序，可以按照個人喜好品嚐
豆腐芝麻柚子撻
本身擔心會好甜，但完全唔會，頂層係芝麻，底層係豆腐，兩者味道都好濃郁但又唔會蓋過對方，好神奇，餅底好鬆化
紅棗桑椹意式沙冰
紅棗同桑椹都好有益，一個補血，一個護目益腎。一入口好似飲緊紅棗水咁，好清甜，沙冰唔係好綿果種，反而係有咬口既碎冰，幾得意，但一咬就碎，唔會過硬
青梅酒薄荷氣泡水
呢個同樣係無酒精的， 薄荷味好濃好清爽，對比其他甜品飲品呢個有啲遜色， 但感覺就好似係用完膳後，比你清新潔淨口腔同解膩既作用。
06 Outro 飲品
青瓜檸檬花蜜茉莉茶
柚香橘皮古樹普洱冰茶
兩杯都好清新淡雅，好鍾意呢度既飲品完全唔會太甜，淡而不寡，好有質感，果香配合茶，味道balance得好好。
張貼
