影片
更多
2022-11-23
32 瀏覽
1908bc British Chinese 係一間融合左英式元素嘅中餐廳，英式係帶英倫風嘅中菜，Fusion 得黎又帶點中國傳統。點解叫1908? 咁係因為首間中國菜館於1908年係英國Piccadiliy Circus開幕，餐廳以藍色為主調，門口有一大幅隻孔雀嘅油畫，相當有中國風，入到裡面，裝修偏西式，空間算寬敞，環境較昏暗，相當有情調。晚餐餐牌無套餐，全部都係單點，選擇都好多，類別有頭盤、湯、主菜、蔬菜、粉麵飯及飲品。香酥鴨跟薄餅：廚師先用滷水同花椒八角滷滷將鴨肉醃過後用手撕成一條條，再炸到香脆，食法同片皮鴨好似，就係將肉加入青瓜絲、京蔥絲同埋餐廳秘製醬汁包入薄餅。鴨肉聞落好香，肉質嫩滑，唔會太乾，薄餅非常煙靭，唔會有粉嘅感覺，加埋青瓜絲、京蔥絲同醬汁一齊食，味道非常夾。薄餅一份有六件，包完六件之後仲淨返好多鴨肉，可以就咁食都得。蝦多士配甜辣醬：蝦多士一份有4件，每件上面都鋪左一層厚厚嘅蝦膠，再放成隻鳳尾蝦放係面，亦有撒上芝麻做裝飾，賣相非常精緻。多士炸到金黃色，食落香脆，入口唔會太油膩，唔需要點酸甜醬都已經好好味啦。甜酸咕嚕肉：甜酸咕嚕肉係我嘅至愛，見到餐牌上有，又點可以唔試下
點解叫1908? 咁係因為首間中國菜館於1908年係英國Piccadiliy Circus開幕，餐廳以藍色為主調，門口有一大幅隻孔雀嘅油畫，相當有中國風，入到裡面，裝修偏西式，空間算寬敞，環境較昏暗，相當有情調。晚餐餐牌無套餐，全部都係單點，選擇都好多，類別有頭盤、湯、主菜、蔬菜、粉麵飯及飲品。
香酥鴨跟薄餅：
廚師先用滷水同花椒八角滷滷將鴨肉醃過後用手撕成一條條，再炸到香脆，食法同片皮鴨好似，就係將肉加入青瓜絲、京蔥絲同埋餐廳秘製醬汁包入薄餅。
鴨肉聞落好香，肉質嫩滑，唔會太乾，薄餅非常煙靭，唔會有粉嘅感覺，加埋青瓜絲、京蔥絲同醬汁一齊食，味道非常夾。
薄餅一份有六件，包完六件之後仲淨返好多鴨肉，可以就咁食都得。
蝦多士配甜辣醬：
蝦多士一份有4件，每件上面都鋪左一層厚厚嘅蝦膠，再放成隻鳳尾蝦放係面，亦有撒上芝麻做裝飾，賣相非常精緻。
多士炸到金黃色，食落香脆，入口唔會太油膩，唔需要點酸甜醬都已經好好味啦。
甜酸咕嚕肉：
甜酸咕嚕肉係我嘅至愛，見到餐牌上有，又點可以唔試下呢？
咕嚕肉呈波波形狀，相當大粒，有成八件咁多，外層炸漿算薄，食落爽口彈牙，有口感之餘仲醃得好夠味，用埋經水果調製嘅甜酸醬汁烹調後，味道新鮮天然，入口酸酸甜甜，非常開胃。
豆腐雜菜煲：
豆腐雜菜煲係咁多度菜中相對輕盈，不過味道比中式傳統嘅濃味，有極多蔬菜，好似西蘭花、紅蘿蔔、豆腐、菇同雜菜，用個大煲裝住，好保溫，即使天氣轉涼食物都無咁快凍。
網上見到佢地d飲品好靚，打算叫黎試下，順便打下卡。
Saint clement’s：
飲落有d似檸檬汁，帶輕輕嘅嘅酒味，感覺好清新。
Fruit punch：
色彩繽紛嘅fruit punch, 非常吸睛，為我地嘅晚餐畫上完美句號。
張貼
