影片
更多
2023-08-02
61 瀏覽
早排放咗工去咗呢間位於灣仔新鴻基中心嘅韓式燒肉店慶生，因為我同男友一直都好想試佢個熟成牛！我哋當日嗌咗個Steak Omakase set，人均$780，但食到好多款唔同嘅熟成肉，就連前菜都勁多款，最後嘅雪糕仲好有驚喜添😌。季節沙律食韓國餐廳當然唔少得有餐前小食，包括魚乾仔、醃青瓜，醃蘿蔔、泡菜同埋我最鍾意嘅海鮮拌大荳芽，仲有個set包埋嘅沙律🥗 沙律菜好新鮮，份量都好多！。醬油盛合估唔到呢度嘅前菜竟然有醬油蝦同醬油帶子食，平時都好少食，醬油蝦同帶子都大大隻，幾肥美，食落鹹鹹哋又帶少少辣，而肉質亦鮮嫩滑溜，幾唔錯😋。生牛肉他他本身都有啲抗拒食生牛肉，今次嚟到即管試一試！店員將生蛋、雪梨粒、青瓜粒、松子仁、泡菜粒、蒜蓉同埋和牛粒一齊撈勻，食落去個口感少少似拖羅蓉，比我想像中易接受😆 仲有啲麻油香味，雪梨粒又異常地夾，推薦！之後終於到主角——熟成肉拼盤🤩 除咗肉仲有一大兜蔬菜用嚟包肉食，仲可以任添菠蘿同菇😋 燒肉可以揀自己燒或者店員幫手燒，呢個服務幾貼心，啱哂我呢啲好易燒燶嘢嘅人🤣 。熟成牛舌芯店員率先幫我哋燒咗牛舌芯，牛舌芯唔算好厚，所以輕輕燒一陣就食得啦，熟成牛食落牛味更加濃郁，點上少
。季節沙律食韓國餐廳當然唔少得有餐前小食，包括魚乾仔、醃青瓜，醃蘿蔔、泡菜同埋我最鍾意嘅海鮮拌大荳芽，仲有個set包埋嘅沙律🥗 沙律菜好新鮮，份量都好多！
。醬油盛合估唔到呢度嘅前菜竟然有醬油蝦同醬油帶子食，平時都好少食，醬油蝦同帶子都大大隻，幾肥美，食落鹹鹹哋又帶少少辣，而肉質亦鮮嫩滑溜，幾唔錯😋
。生牛肉他他本身都有啲抗拒食生牛肉，今次嚟到即管試一試！店員將生蛋、雪梨粒、青瓜粒、松子仁、泡菜粒、蒜蓉同埋和牛粒一齊撈勻，食落去個口感少少似拖羅蓉，比我想像中易接受😆 仲有啲麻油香味，雪梨粒又異常地夾，推薦！
之後終於到主角——熟成肉拼盤🤩 除咗肉仲有一大兜蔬菜用嚟包肉食，仲可以任添菠蘿同菇😋 燒肉可以揀自己燒或者店員幫手燒，呢個服務幾貼心，啱哂我呢啲好易燒燶嘢嘅人🤣 。熟成牛舌芯
店員率先幫我哋燒咗牛舌芯，牛舌芯唔算好厚，所以輕輕燒一陣就食得啦，熟成牛食落牛味更加濃郁，點上少少芝麻鹽已經好夠味😌
。封門牛柳跟住就到牛柳，店員燒至5成熟左右，再幫我哋切開一口進食到嘅size，食落肉汁勁多，好juicy，除咗有一條筋仔外，其餘都好嫩口😋
。韓式三筋肉
三筋肉平時好少食，佢薄薄哋一塊，輕烤幾廿秒就食得，雖然佢薄，但牛味都幾香，點韓式豆瓣醬食就好夾！
。熟成USDA帶骨肉眼咁大塊肉眼，好彩有店員幫手燒😌 店員仲幫手切開哂一件件，加埋條rosemary，賣相超得！食落肉質非常之軟嫩，同時亦好多汁，果然係熟成牛🤩
。熟成豬梅肉最後，係呢份豬梅肉，燒到勁香，外脆內軟，仲有少少鹹香，本身唔食肥豬肉嘅我，都好鍾意食，特別係包菜食一流！☺️
。海鮮湯之後到main course，我同男友各揀一款嚟試，呢個韓式海鮮湯以石鍋上，熱辣辣好好飲，而且啲配料都好豐富，鍾意嘅仲可以加個飯一齊撈嚟食添😉
。西冷脂飯而另一主食係以一大塊燒西冷薄切，點上壽喜燒醬汁，再撈埋生蛋一齊食😋 西冷超級嫩滑，蛋汁亦好香，好夾好推介👍🏻
。甜品而甜品方面，一定要試下佢哋嘅蜂蜜雪糕(+$72)，蜂蜜味令到個雪糕食落好清甜，絕對唔係死甜，仲有大大嚿蜂巢，好有驚喜🤩 另外，仲叫咗巴斯克蛋糕(+$58)，芝士味幾濃，如果再幼滑啲就更好！
🔸 Lychee Makgeolli $198我哋嗌咗一大碗荔枝米酒，好大碗好抵飲🤣 甜甜哋好易入口，有淡淡嘅米香，仲有幾粒清甜嘅荔枝送酒。
🔸 Goheung Yuja Wine $110
呢杯係韓國柚子酒，雖然係柚子酒，但飲落酒味較濃，所以飲細細杯就啱啱好啦😌
張貼
