龍亭

Primer Omakase 呢set 套餐總共有五道菜，整體質素都唔錯，餐廳環境座位舒服，廚師亦與食客邊聊天邊烹調，好有氣氛！沙律🥗沙津菜配上酸酸甜甜的黑醋，幾開胃！鐵板海鮮（兩品）- 黑松露牛油扇貝煎緊既時候已經好香，扇貝煎到剛剛好，肉質彈牙鮮甜，同時散發住淡淡黑松露味，推薦！帶子配意大利黃瓜帶子大大粒，煎至底面金黃色，再配埋黃瓜一齊食，又爽口又多汁！鮑魚配蒜茸醬鮑魚咬落彈牙，蒜香味與鮑魚既鮮味非常match，搭配旁邊既泡泡，泡泡好綿密好有層次！鐵板肉類（一品）-鐵板日本雞扒呢款雞扒煎到勁juicy ，正反兩面都金黃色，外層雞皮好香脆，而切開啲肉汁爆曬出嚟！！！鐵板肉類（一品）-宮城縣豬扒特調既醬汁加左唔少分，食落第一口會少少辣，幾特別～最後會有一小碗炒飯，炒到粒粒分明，好有鑊氣！甜品方品安排左紫薯雪糕，好香濃既紫薯搭配自家製分子料理既紅豆，唔錯！鈴鹿川純米大吟釀味道好易入口，果香濃郁，口感細膩，非常適合配餐～～