Owens (砵蘭街)

營業中

休息中

放工食左間位於太子既人氣文青cafe餐廳裝潢以木系為主調門口有三個圓拱型大落地玻璃食客滿滿😍超級受歡迎！酥炸吉列生蠔 +$28蠔炸得十分酥脆，口感鮮味軟嫰，完全冇腥味，沾埋蛋黃醬食更加滋味！薯條三兄弟 +$38作為薯條控既我👉👈呢款小食一定走唔甩🤣！粗薯條要趁熱食，炸得十分酥脆，薯味濃。有四款醬料，分別黑松露醬、明太子醬、芥末醬同埋茄汁，食到停唔到口。明太子虎蝦意粉 $128意粉口感彈牙順滑，每條都掛滿明太子醬汁，調味適中！ 好中意隻虎蝦，十分彈牙，蝦頭仲有啲蝦膏😍。黃金蟹肉意大利飯 $138廚師將蟹肉釀左係蟹蓋入面🦀，非常有心思！意大利飯軟稔中帶點煙韌，咸蛋黃滲透飯中，十分creamy順滑，味道唔會太咸亦唔會太膩。伯爵茶麻薯卷蛋 +$38伯爵茶海棉蛋糕都幾鬆軟，捲住伯爵茶忌廉，散發陣陣茶香，濕潤細緻既質感，中間仲有煙韌既麻薯，唔會太甜，口感十足。開心果麻薯提拉米蘇 $48開心果醬口感軟滑綿密，味道唔算十分濃郁。面頭放滿開心果碎，中間有煙煙韌韌麻糬，微微散發咖啡酒香，層次十分豐富，味道互相輝映。Oreo奶昔 +$24口感綿密，唔會太甜。夏天飲透心涼！柚子蜂蜜好滋潤🐝。