影片
更多
2014-08-07
1356 瀏覽
今日喺呢頭做野~勁肚餓~~急要搵地方救救我的肚子~喺呢頭唔熟路~想搵個坐得舒服D的落腳~行左几個圈都唔知邊間好~有少少灰我承認己有少少飢不擇食…路經呢間餐廳,門口有個服務員小姐好熱情咁同我打左個招呼就咁我又望望下~都覺得几啱食~所以入去醫肚…入到去舖頭唔算好闊落,2,3點唔算好多人~我呢D米之連人想搵個好位置,但係因通道太窄,唔係咁方便更深入地行,所以只好近近地坐下~睇睇餐牌,服務員就話有下午茶,我睇完又睇~可能佢發覺我唔係咁啱食,所以拎左主餐牌比我睇,不過冇咩分別~突然我發覺佢有口水鷄啊~~~真係令我靈光一閃~好想試下~但係經驗話我知~去餐廳食野先要試佢的主打招牌菜~所以我恨心咁放下了口水鷄,選擇左佢的腩麵~突然我又發現佢有咖哩~真係令我興奮最後我點了佢的招牌咖哩牛腩米線加雲吞,,,仲用正價點了一碟菜心服務員姐姐仲好熱心咁問我咖哩要几多辣,佢話有大中細揀~咁正既野我緊係要大辣啦~!招牌大辣咖哩牛腩米線加雲吞 – 我一心諗住佢會好重口味咁上枱,點知令我太意外,一個雲吞清湯米線再加一碗咖哩牛腩, 咖哩好香但係一D都唔辣,我同服務員講,佢話已經係大辣~勁囉~一睇就知…牛腩數埋約有5粒麻雀咁
想搵個坐得舒服D的落腳~行左几個圈都唔知邊間好~有少少灰
我承認己有少少飢不擇食…路經呢間餐廳,門口有個服務員小姐好熱情咁同我打左個招呼
就咁我又望望下~都覺得几啱食~所以入去醫肚…
入到去舖頭唔算好闊落,2,3點唔算好多人~我呢D米之連人想搵個好位置,但係因通道太窄,唔係咁方便更深入地行,所以只好近近地坐下~睇睇餐牌,服務員就話有下午茶,我睇完又睇~可能佢發覺我唔係咁啱食,所以拎左主餐牌比我睇,不過冇咩分別~
突然我發覺佢有口水鷄啊~~~真係令我靈光一閃~好想試下~
但係經驗話我知~去餐廳食野先要試佢的主打招牌菜~所以我恨心咁放下了口水鷄,
選擇左佢的腩麵~突然我又發現佢有咖哩~真係令我興奮
最後我點了佢的招牌咖哩牛腩米線加雲吞,,,仲用正價點了一碟菜心
服務員姐姐仲好熱心咁問我咖哩要几多辣,佢話有大中細揀~咁正既野我緊係要大辣啦~!
招牌大辣咖哩牛腩米線加雲吞 – 我一心諗住佢會好重口味咁上枱,點知令我太意外,一個雲吞清湯米線再加一碗咖哩牛腩, 咖哩好香但係一D都唔辣,我同服務員講,佢話已經係大辣~勁囉~一睇就知…牛腩數埋約有5粒麻雀咁大,好淋好軟~唔算好肥,入口即化~肉質唔錯~牛腩比淡淡的咖哩味包住,失去左清湯腩的味道,同時又唔夠咖哩香辣味
當中仲有一件好有份量的咖哩薯仔,真係估佢唔到~最估唔到既係食食下發現有一隻鷄翼尖…真係多謝晒..雲吞入口感覺只係得兩粒蝦,蝦同豬肉的比例約係9:1,有少少失望
最終要自己加工~隔走清湯再倒咖哩入個碗到,咁加工法,比服務員睇到我都覺得有D唔好意思…
菜心 – 上枱時我以為佢係比少左我~但我相信係我諗多左~份量少得相信大約有4两菜,粗碌的中間唔係咁熟,細條的就啱啱好~最奇妙的係唔知點解食菜心會食到有少少牛油的味道~
總括黎講..算係見識過佢的出品~又令我更深體會到一個道理~就係去舖頭一定要食佢的主打~我覺得如我點清湯腩的話~一切會好好多~!嗯~~可見的將來相信都唔會再見~真心希望佢地他日可以有所進步
題外話/補充資料：
店舖本身冇洗手間設備~要解手的話都唔知要去邊到先好了…陰公~
(以上食評乃用戶個人意見 , 並不代表OpenRice之觀點。)
張貼
