漁樂場

營業中

休息中

最近一次星期日，同二家姐去咗位於荃灣大鴻輝嘅「漁樂場」Chill下，餐廳氣氛營造出好似去咗Disco酒吧嘅感覺，裝修風格以馬戲團為主題。指定時段有Live Band表演，餐廳職員會派發螢光棒和氣氛燈，令枱下嘅顧客變成迷妹、迷弟一樣，為歌手應援，彷彿參加咗一場盛大演唱會，而晚上22:00後更可以用VSING app排隊上台唱歌，實現全民唱K，極致享受！餐廳營業時間至凌晨03:00，為大家喺荃灣區食宵夜提供多一個好地方選擇。*此餐廳收取加一服務費。老壇酸菜魚（單點$198） ，魚片份量多，肉質嫩滑、帶有魚皮，食落有鮮味，酸菜口感爽脆，味道鹹酸，配料包括有萵筍、花生芽、蓮藕、紅薯寬粉，金湯飲落味道酸辣。店長推介酥炸蠔餅（單點$98） ，表面鋪有香蔥、芫荽，蠔餅口感酥脆，蠔仔味道鮮甜，略嫌比較細隻，配以魚露、泰式甜辣醬食用，味道更佳。鮮甜娃娃菜（單點$35） ，表面鋪有金銀蒜、香蔥，娃娃菜口感軟腍，味道清甜，配料包括有紫洋蔥、粉絲。青椒釀蝦滑（單點$20） ，蝦滑口感爽彈，青椒味道微辣。豚肉韮菜花卷（單點$20） ，豚肉肉味濃厚，配以韮菜食用，食落好香口。Mojito （單點$108） ，內有