海膽仔

營業中

休息中

上次嚟到呢度，就食佢嘅壽司盛。上次剩係得一個海膽軍艦，淺嘗咗佢嘅海膽之後，今次再嚟食嘅時候梗係要將海膽分量倍大好多倍啦。今次呢個海膽當一上菜嘅時候已經超有驚喜，因為海膽份量多到唔止係鋪咗喺飯嘅上面，仲有一個好得意嘅小木架，上面都裝住左另一版嘅海膽，真係好誇張呀。而套餐同樣係除咗呢一份主食，仲有前菜嘅沙律，同埋一客麵豉湯。海膽同樣係好濃嘅海鮮味道，不過今次分量倍大咗，如果怕魚腥味嘅朋友就可能會有啲驚，不過加埋豉油同埋紫菜真係超級撈飯，好滿足呀。