檳榔島敍

營業中

休息中

放假同屋企人黎到鰂魚涌搵食，今次想試馬來西亞菜，餐廳環境雅致食物款式都幾多，而且價錢合理先來飲品檳榔島敍雜果賓治餐廳利用新鮮雜果製成，包括：橙、蘋果、菠蘿、提子等等，充滿生果嘅鮮甜味，消暑解渴。桔仔冰茶茶味清香，配上新鮮桔仔，酸酸甜甜，非常開胃，有解膩作用。生炸雞髀配馬來椰漿飯雞髀即叫即炸，大大隻，皮脆肉滑，而且調味啱啱好。椰漿飯偏軟身，食到淡淡椰香味，另外更配有蛋、魚乾、花生、同秘製辣醬，撈埋一齊食口感味道豐富，唔錯。甘香醬手作蘿蔔糕蘿蔔糕分量幾多，蘿蔔糕質感較為軟身， 蘿蔔幾清甜，臘味香氣明顯，用甘香醬炒，非常惹味鹹香，面頭更有三隻蝦，新鮮彈牙，同蘿蔔糕幾夾。馬來咖喱雞肉薄餅咖喱pizza第一次食，估唔到都幾夾，薄餅皮厚薄適中，雞肉份量都幾多，而且口感幾滑，咖喱醬味道香濃，仲食到有清甜嘅味道，於是詢問店員之後先知道原來用新鮮生果打成嘅咖喱醬汁，非常有誠意。自家製斑蘭咖央多士多士烘得好香脆，而且麥味濃郁，斑蘭醬都係自製，甜度適中，配埋牛油，味道好夾。焦香榴槤芝士蛋糕芝士蛋糕擺盤好靚，榴槤同芝士味道香濃，兩者味道配合得好好，榴槤愛好者必食。