蠔站 (荃新天地)

營業中

休息中

放假夜晚又要諗食咩啦！個人又懶，唔想去得遠，但係又想食好d，咁就搵下openrice啦！見到樓下有間西餐廳幾出名下，又有10蚊1隻蠔，咁就落去試下啦！落到餐廳客人都唔係好多，餐廳裝修幾靚，但係冷氣就唔係好夠啦！應該係壞左啦！因為餐廳本身都安排左坐地風機幫手。咁我地睇完menu之後兩個人就點左以下菜式啦！首先頭盤係一打生蠔先，生蠔本身都唔係好大隻，但係就同期望差唔多啦！始終都係10蚊隻，大家係唔可以太高期望呀！咁就試下先，海水味好重，肉都係鮮甜嘅，店員洗蠔都算係洗得乾淨，唔會好多蠔殼係度，肉就有部分多啦！如果唔夠喉其實係可以出去蠔吧自選呀！跟住就到主菜啦！我地就選擇左蒜香燒美國豬肋骨，好大盤，豬助骨皮脆，而焗嘅時間剛剛好，肉質唔會係太韌，而且好香豬味。我地都好滿意，伴碟有翠肉瓜，菇粒及薯角，都好滿足，薯角新炸，夠脆。最後就係冬陰公海鮮扁意粉，味道有驚喜，配料充足，有藍青口，蜆肉，蝦肉及其他配料，另外意粉份量充足，夠飽，不過食到尾可能就掛左太多汁之後就開始咸啦！不過整體來講都係好味！會再幫襯。