Surasang 수라상

營業中

休息中

今日同老公去完Elements睇戲，突然想食下韓國菜，搵咗間靚靚餐廳。 職員先送上一系列前菜。 海鮮煎餅煎餅份量都好多，2個人一份都已經好夠飽。煎餅以半煎炸型式烹調，非常乾身又香脆，而且食落唔會一口油。煎餅餡料充足，口感好豐富。 韓牛大蔥卷配泡菜炒飯韓牛大蔥卷以一個大平鑊盛載，職員會幫手燒香每一件。韓牛油花平均分佈，入口即溶，肉質非常嫩滑。韓牛包住爽口嘅大葱增加層次感，亦能夠減少韓牛嘅油膩感。 職員燒完韓牛大蔥卷之後，會用上少量嘅韓牛混合埋個泡菜炒飯，帶點辣味之餘口感又夠香口。 烤風川鰻魚釜飯套餐釜飯蓋有烤鰻魚，仲有蛋絲薑絲等配料可以拌在一齊食，另外提供辣醬可以自行添加。鰻魚肥美，外皮烤到金黃酥脆，再帶點焦香味。 Cocktails🍹The Night Begins-每杯飲品都會附上一張小卡列明用料、味道、配搭食物。呢杯有韓國燒酒、青檸汁、Cider Vinegar加埋菠蘿汁🍍，味道酸酸哋而且感覺清新。 See You-而呢杯就加咗韓國燒酒、番石榴醬、檸檬汁同埋Apple Soda，味道酸酸甜甜，感覺比較fruity。