川之源

營業中

休息中

西營盤多野食就一早知架啦，但我多數食西餐。無諗過有間食川菜咁出色嘅店。首先老闆娘真心好人，佢好細心介紹比我地知菜式嘅特點在哪裡。辣子雞：用新鮮細雞新鮮劏，咁會更有雞味，炸完都唔會好鞋。手工餃子：連皮都係佢地自己搓，雖然無出面機整嘅咁薄，但真心，公道講，食落一d都唔厚皮，反而有一種好踏實，好飽滿嘅家鄉風味。重點是，餡料夠多，所以唔會覺得層皮好厚。入面嘅豬肉好清甜，有胡椒香，配埋韮菜好好食涼面：醋，糖，醬油，辣椒，花椒嘅比較做得非常非常出色，所有酸/甜/辣/麻/咸都係好平衡蒜蓉秋葵：係我食過最爽口的，拖水時間剛好，外面翠綠，內裡飽滿爽口。蒜蓉不會過辣，也不會遮蓋秋葵嘅清新感