餃掂手工餃子雲吞專門店

營業中

休息中

天氣開始轉涼，凍凍地就想食碗餃子。放工就去左灣仔餃掂食晚飯。平時lunch經過都要排隊, 今日一黎到就有位。我同老公叫左個大碗至尊松茸豬肉餃，配狀元九鼎湯。呢度嘅湯餃同其他餃子店唔同，狀元九鼎湯係粉葛老火湯，覺得健康好飲。至尊松茸豬肉餃會配埋特制嘅辣醬，點餃食惹味好多。我地仲叫左個龍鳳松茸雙煎餃，煎餃煎得好香，每粒餃都好足料，點埋陳醋加菜甫豆瓣醬更加好味。我地仲叫左香煎芝士軟心餃，味道都唔錯。飲品叫左杯凍豆漿同埋山渣雪梨水，唔會厷甜，都幾好。