六福菜館

營業中

休息中

同幾個朋友突然好想食海鮮，就決定去西貢覓食！朋友見呢間食評唔錯，所以訂咗位一齊試一試，果然幾有驚喜🙆🏻‍♀️餐廳係樓上舖頭，唔係大排檔形式，所以相對比較乾淨企理，座位都好寬敞🙆🏻‍♀️我哋點咗豉油王炒龍蝦球，龍蝦係用南澳龍蝦，非常大隻，肉質好彈牙，而且厚實，食到啖啖肉同鮮甜味！調味方面，雖然用豉油王，但完全唔會搶咗龍蝦嘅鮮味，反而令整體更加香口🙆🏻‍♀️西蘭花雖然好似伴碟，但佢吸收晒龍蝦醬汁，非常入味同惹味😳食完龍蝦肉之後，龍蝦頭會拆肉整龍蝦上湯伊麵，成隻大龍蝦用到盡，唔會晒！龍蝦頭原來仲有好多肉，而且佢嘅膏非常鮮味，好適合掛喺伊麵上面一齊食😋另外一道十分推介嘅海鮮，係椒鹽焗鮑魚。鮑魚size好大隻，非常厚身。而且焗鮑魚嘅火候，同時間掌握得啱啱好，完全冇Overcooked，所以食落依然好嫩，一啲都唔會韌！另外亦點咗米水浸白菜，感覺上米水可以清下熱，而且健康又帶啲味道，唔會太清淡，亦唔會似炒菜咁油膩🙆🏻‍♀️