影片
更多
2019-12-16
169 瀏覽
💁🏻♀️ 御膳 (觀塘) 🍴-系觀塘行開街，搵到呢間私房菜，於是拉埋屋企人來食，好有驚喜！估唔到私房菜都食到咁高質嘅中菜，絕對媲美其他酒樓啊，帶老一輩一齊食一流～～猴頭菇瘦肉湯（$220）足料老火湯！飲落勁潤喉滋補，但又唔會好似平時飲開啲雞湯咁好油，所以如果想試吓新意思可以叫吓呢個，同埋份量好多，三個人飲到勁飽勁滿足，冬天飲完成個身暖曬東星12兩（椒鹽魚骨腩、蘭度東星斑球）（$380）私房菜當然要試吓海鮮～食之前老闆娘專登俾我地過目吓先，呢條東星鮮斑果然好生猛。兩碟都十分足料，椒鹽魚骨腩炸到好脆好香口，而且調味夠惹味，食到停唔到口！而蘭度東星斑球道帶出左魚嘅鮮味，蘭度炒得唔苦，魚塊肉質厚實，十分高質！士多啤梨🍓骨 （$120）上網睇好似係招牌菜，所以叫來試吓啦，果然名不虛傳。一上菜就好吸引，士多啤梨🍓骨排到好似層層疊咁，食落果然有士多啤梨果味，但唔係死甜，可以中和返排骨嘅膩，好味啊麻辣手撕雞/半隻 （$180）另一抵食之選，半隻雞超級多，堆到成座山咁高。麻辣味恰到好處，唔會搶曬雞嘅鮮味，另外青瓜絲配搭得宜，麻辣中帶點清新。最後食飽飽仲有甜品送，係奶凍，非常creamy，唔會太甜，好滿足
-
系觀塘行開街，搵到呢間私房菜，於是拉埋屋企人來食，好有驚喜！估唔到私房菜都食到咁高質嘅中菜，絕對媲美其他酒樓啊，帶老一輩一齊食一流～～
猴頭菇瘦肉湯（$220）
足料老火湯！飲落勁潤喉滋補，但又唔會好似平時飲開啲雞湯咁好油，所以如果想試吓新意思可以叫吓呢個，同埋份量好多，三個人飲到勁飽勁滿足，冬天飲完成個身暖曬
東星12兩（椒鹽魚骨腩、蘭度東星斑球）（$380）
私房菜當然要試吓海鮮～食之前老闆娘專登俾我地過目吓先，呢條東星鮮斑果然好生猛。兩碟都十分足料，椒鹽魚骨腩炸到好脆好香口，而且調味夠惹味，食到停唔到口！而蘭度東星斑球道帶出左魚嘅鮮味，蘭度炒得唔苦，魚塊肉質厚實，十分高質！
士多啤梨🍓骨 （$120）
上網睇好似係招牌菜，所以叫來試吓啦，果然名不虛傳。一上菜就好吸引，士多啤梨🍓骨排到好似層層疊咁，食落果然有士多啤梨果味，但唔係死甜，可以中和返排骨嘅膩，好味啊
麻辣手撕雞/半隻 （$180）
另一抵食之選，半隻雞超級多，堆到成座山咁高。麻辣味恰到好處，唔會搶曬雞嘅鮮味，另外青瓜絲配搭得宜，麻辣中帶點清新。
最後食飽飽仲有甜品送，係奶凍，非常creamy，唔會太甜，好滿足呢～
/
📍 御膳 (觀塘)
#觀塘 敬業街65-67號敬運工業大廈12樓F室
張貼
