嚐囍煲仔小菜

營業中

休息中

夜晚7點幾嚟到，等咗大約半個鐘便有位，叫咗4個煲仔飯再加小炒和點心。最開心係晚飯都有點心食，叫咗牛肉球，蝦餃。點心真係大大件，蝦餃有4粒都只係$37，牛肉球3粒，其實蝦餃同牛肉球都唔可以叫粒，因為真係太大粒，叫件適合啲😅第一次試小炒王，材料豐富，夠鑊氣，好快清碟！煲仔飯：鴛鴦腸飯最好食，夠香，膶腸尤其好食，飯焦脆口不覺硬，飯煮到可以－粒粒散的，我俾100分！窩蛋牛仔肉飯就有啲唔夠味，啲飯比較濕。我覺得煲仔飯都係好考功夫嘅，所以食到－煲我覺得100分嘅已經好開心！