燒烤堂 (已搬遷) 新店位置

今次我地就幫襯咗位於銅鑼灣登龍街嘅分店，之前一直都想試下但都book唔到位，今次終於可以一嘗佢哋嘅串燒🤤整體食物質素都幾高，而以下就係我哋認為做得比較出色嘅串燒：厚切鹽燒牛舌腩 ($48)：餐廳有厚切同中切牛舌兩種選擇👅。我哋揀左厚切，因為厚切更能夠食得出彈牙嘅口感。牛舌爽口彈牙之餘亦都幾juicy，值得一試👍🏻鹽燒白鱔 ($48)：肉質肥美，口感爽脆彈牙，而且燒過之後油脂感更突出。由於我哋揀左鹽燒，所以更能夠品嘗到白鱔嘅鮮味🤤孜然燒蒜蓉茄子 ($36)：每次食串燒我哋其中一樣必叫嘅就係茄子！茄子上面鋪滿左蒜蓉同孜然粉，令茄子更惹味😍🔥生啤 ($48)：食串燒一定係夾啤酒🍺最正係依度嘅日本生啤買一送一！唔叫真係對唔住自己😌如果食得辣嘅朋友仔，建議可叫麻辣，佢地嘅麻辣做得幾出色。而其他串燒包括雞心、雞肝、雞皮、豬大腸都唔錯值得一嘗。由於我哋今次太眼闊肚窄，order得太多，連加一每人平均食左四百蚊😂 不過其實正常嘅話每人二百𡃁蚊一定落到樓又食得飽。