段純貞牛肉麵 (如心廣場一期)

營業中

休息中

段純貞牛肉麵之前已經多次到訪，食得出呢度的牛肉麵真係有台灣的水準。呢度環境幾舒服，座位之間有足夠距離，坐得自在。餐提供好多經典嘅台灣美食。我哋叫咗蒜醬油麥菜，清爽嘅口感加上蒜香醬油，幾開胃。滷味鴨舌的滷汁入味，鴨舌軟嫩，好容易食，而且仲配埋滷花生，有驚喜。鹽酥雞係現做嘅，熱辣辣上枱，表皮酥脆，內裡多汁，加埋炸九層塔，十分有風味。招牌紅燒腱心牛肉麵一定要試。湯底微辣，有層次，飲落去好香。牛肉塊大，肉質軟腍，配埋彈牙嘅麵條，真係好正。清燉牛肉麵用咗牛𦟌切片，湯頭清淡但唔失牛肉的鮮味，牛展片厚切，啱晒鍾意清爽口味嘅人。飲品方面，我哋試咗凍綠茶拿鐵同牛奶仙草。凍綠茶拿鐵清新解渴，茶香同奶香融合得好好。牛奶仙草係甜品嘅驚喜，仙草滑溜，口感細膩，份量多，食完好滿足。餐廳食物用心制作，出品全部都好有誠意，值得推介俾大家。